منتدى استراحات زايد - رواية ~>> كنت اشوفك شي ثاني .. شي غير هالوجود<<~

السلام عليكم ورحمه الله وبركااته

شحاالكم عسااكم بخيير ,,؟؟

أليوم حبيت أعرض عليكم اول قصه من كتاباتي ,, بعنوان

,,|| كنت اشوفك شي ثاني شي ,,شي غير في هالوجوود ,,||

عائلة بو هزاع

الاب : متوفي في حادث
الام : متوفيه فحادث

هزاع : ولد عمره 19سنه ماسك البيت بعد وفاة ابوه وامهم هو ألأب والام والاخ والاخت وكل شي بالنسبه لخواته ,, حلييو مزيون ماشاء الله عليه , عيوونه سوود ووساع وحواجبه مقرونه أشوي محترم وطيوب ويحب خوااته وربعه وااااااايد وماعنده سوالف البنات ويهتم بنفسه ودراتسه وبخواته ,,~ ويشتغل في شركة ابوه وعمه

شوق : توأم هزاع بنت عمرها 19سنه طيووووبه وااايد وحبووب الكل يحبها وايد اجتماعيه وكل من يشوفها يقول وااو ,, عليها جماال ولا أروع خشمها شروا السيف وعيونها وسااع وسوود وشعرها أسود كاليل وطوييل لين ركبها ,, وحواجبها مقروونه واايد ,,~ تحب خواتها واايد وتهتم فيهم وتهتم بدراستها وبنفسها ومتعلقه بتوأمها واايد ,,~

مريم : أختهم الكبيره عمرها 24سنه تدرس في الجامعه وهي بعد حلووه واايد وخشمها طويل وشعرها بني وطويل ,, بس من توفت امها وهي حزينه وهب اجتماعيه وايد ومستويه لأختها امها وتهتم في اخوانهم ,,

هند : اختهم بو عشر سنوات وااايد تاخذ من هزاع وتحب اخوها وايد وتنادي مريومه ماما مريوم ,, وتحب بنات عمها واايد ,, وكله تقعد وياهم ,,~

عائله بو بطي

بو بطي : رجل أعمال يحب شغله وحرمته وعياله وعيال أخوه المتوفي ,, ويعتبرهم شرات عياله ,, واايد يحاتيهم ويخاف عليهم ,, وهو طيب وايد ويحب الخير للييمع ,,~

أم بطي : ربت بيت ممتازه طيبه ومثقفه وحبوبه تحب الخير لليميع وتحب عيال حميها واايد وتخاف عليهم وتعتبر عيال حميها مثل عيالها وتخاف عليهم ,,

بطي : ولد عمره 19سنه واايد حلييو ومزيون خشمه طويل مثل السيف شعره لين جتوفه عيونه عسلياات وحواجبه مقرونه واايد بس وايد اوكي طالعه عليه وهو عكس شخصيه ولد عمه هزاع ,, حشره وراعي سوالف بس ماعنده سوالف بنات ويحب يلعوز بخواته وخوانه وفووق كل هذا رومنسي واايد ..

مهره ,,أكبر من بطي بسنه عمرها 20سنه ثاني ثنوي علمي ,,تحب شوق بنت عمها واايد وهي اقرب الناس لها ,,هي مزيونه ومليانه وقصيره وكيووت واااايد الي يشوفها يقول بنت ال14 سنه ,,عيونها عسليات ووساع ,, شعرها قصير وحلوو وايد حواجبها مقرونه وكيووت واايد ,, وهي مشرفه احدى المنتديات الاماراتيه والكل يحبها فيه ,,~

حمده وحمد هذولاا توأم عمرهم عشر سنوات كله مع هند بنت عمهم ووسوالف وضرابه وكل شي ,,~

البارت الاول ,,~

يوم اليمعه فبيت بو هزاع :
الساعه 9 الصبح ,,~

هزااع : شووق ,, شوااقي يلا قومي بسج رقااد
شوق : امممم ,, بناام دقيقه وبقووم
هزااع فتح الباب ودخل الغرفه : يلا قوومي شو دقييقه
شوق : وهي دهمانه ,, عزاامي بقوم بعد ثانيه
عزاام : لالالا قومي الحين
شوق : وهي تتثاوب ,,: ان شاء الل هيلا قمت شو تريد مني ؟
عزام : قومي اليوم بنروح بيت عمي نسيتي الجمعه اليوم
شوق : ان شاء الله بسبح وبلبس وبكشخ وبخلص وبي تحت
عزام : أوكي تيت

..عزام راح غرفته يسبح ويتجهز لصلااه اليمعه ,,
تحت في الصاله ,,

شوق : مريومه صباحج عسل
مريم : أي صباح الحين الظهر ,,

شوق : خخخ كله واحد ,,عيل وين شهوود ؟
مريم : أحيدها تسبح ,, بسير أشوفها ,,
شوق : وهزاع ؟؟؟

مريوم : راح يصلي اكيد بيرجع ألحين ,,~

شوق : يلا بسير ألبس عبايتي
مريوم أوكي وانا بشوف شهود ,

راحت شوق ,, بقول لكم شو لابسه , كانت لابسه تنوره جينز سوده وعليها وردات كبيره بالابيض ,, وبلوزه بيضه ساده فري ساايز ,,وعليها عند الخصر حزام أسود ,,~

وسوت شعرها لفته ونزلت القصه ولبست عبايه مسكره ساده لها ربطه عند اليد وشيله عليها ورود والورود فيها فصوص بيضه وكانت نايس وكيوت ,, حطت جحال وقلوس بس ونزلت تحت.

في السياره رايحين مع السواق ,,

هزاع : بنات اليوم بنقعد لين الساعه 10 اوكي ؟
مريوم : واايد لين الساعه 10 خلوها 7ونص ؟
شوق : انا ماعندي أي اعتراض ,, بس يمكن بيضهرون مكان مانبا نثقل عليهم
هزاع : شوشو لاتنسين احنا فأجازه الصيف فاكيد بنظهر وبنسافر وياهم وماعتقد عمي بيمل مناا ,,~

وصلو بيت عمهم بو بطي :

دخلو وفي الصاله :

ام بطي : مرحبا مرحبا السااع بعياالي ,

مريم : المرحب بااجي ,, وراحت توايه مرت عمها الي ينادونها عموه ,
شوق : عمووه فدييتج تولهت عليج
مهره : يالظالمه ماتولهتيلي ؟؟
شوق : افففف لاتتخبرين اقعد اهذيبج كل ليله ,,وتوايهاا
بطي : خيييييييبه يالخرييييييط اسمنكن يالبنات خرييطاات
مهره : وانت حلييلك ماحصلت حد يتوله لك ييت تسندرنا ؟
بطي : لافدييتج انا هزااعي متوله لي صح هزووعي ؟
هزاع : هييه صح خخخخخخخخخخخخ
ام بطي : اسمنكم انتو ماتيوزون عن بعض

طبعاً بما انهم متربين عندهم فعادي يقعدون ويسولفون وكل شي عادي عندهم وهم بعد نفس العمر ,, وبطي يحب شوق بس محد يدري ,,

ويدخل عمهم عليهم الكل سار يسلم عليه ,,

شهد : عمييه حبيبي برقد وياكم اليوم
عمها : افاا وتاخذين الاذن مني ,, ألبيت بيتج
شهد : احلف عمييه ؟؟ عادي ؟؟
عمها : افا عليج عاادي لو تبين تعيشين ويانا بعد عادي
شهد : هييه انا موافقه احسن من حشرة هذولاا ,, وتأشر على هزاع وشوق
الكل : ههههههههههههههههههههههههههههههههههههههه