|
أنـت راعـي سـلــق !! ســعــودي !! إدخـــل ضروري السلام عليكم ورحمة الله وبركاته موضوعي اليوم يا إخوان مهم جدا جدااااااااااا الموضوع هو عن التوثيق وحفظ السلالات أنت كقناص سعودي تنتمي للجزيرة العربية ويفترض أنك ورثت عنها من ثقافة الصيد : العوايد والسلوم العربية والإسلامية الأصيلة , السلالات الجزيرية النقية .. بداوتنا مضا على إنقراضها فقط 80 سنة على أكثر تقدير الآن يشتري البعض من الخارج سلق بآلاف الدولارات فقط من أجل انها عربية ومعها شهادة سلالة مذكور فيها ابوابنها واجدادها من جهة الاب والام مع الصور !! هل يعقل ياناس اشتري من الاجانب ويساموني ويستغلوني ماديا من اجل ان اشتري شي هو من إرثي ومن حقي !!! بصورة أخرى تخيل أنك تحاول تشتري ثوب سعودي من أجنبي لأن ماعندك ثوب ولا تعرف احد بالسعودية عنده او يبيعه !!! صرنا نشتري إرثنا للأسف من الخيل والسلق من الأجانب , والحمدلله إننا ماضيعنا اللإبل بعد لكي تصل المعلومة لك أخي القارىء بشكل أفضل , فلتعلم أنك تحتاج لمبلغ قدرة 40,000 ريال سعودي لكي تستطيع أن تحصل على سلوقي من مركز للسلوقي العربي في الخليج , هذا المبلغ ليس من أجل أنه سبوووق ولا طياره ولا يفووز بالمهدات لا بل من اجل أنه مضمون إنه عربي الدم وصافي النسب (( ماذا يجب فعله كقناص سعودي مقتني للسلق )) لا اقول لك لا تقني الى شي صافي واصيل لأني اعلم أنه قليل وصعب والناس اللي موجوده عندهم ما يفرطون فيها طبيعي إنك تدور الشي الزين والسبووق وغالبا مايهمك الأصل ولكن إذا طاح بيدك عربي وش تسوي طبعا أقصد بكلمة عربي إنه أصيل ما اقصد إنه أوفل وريشه لأن كلمة عربي فقدت معناها مؤخرا وصارت تطلق على اي سلوقي اوفل وله ريشه حتى لو كان ايراني او سوري إذا جاك سلوقي عربي او أخذته من أحد وقالك إنه عربي إحفظ سلالته لا تعتبر انه عربي اصيل فقط لأن الرجال قالك إنه عربي إسئل عن أمه وابوه وجده ... إلخ وش هن ومنين ... إلخ بعض الناس يعتبر إن سلوقيه عربي أصيل فقط لأنه ماخذه من شايب !! طيب يمكن الشايب جايه هدية ولا يدري وش اصله ؟؟ يمكن فيه عرق قريهاوند او صله ايراني او يمكن لاقيه ضايع وهكذا ممكن إنك تاخذ سلوقي من شايب مثلا في عفيف ليس شرط إنها من سلق عفيف الاصيله القديمه ,, وارد جدا إنها من سلق المره أو الدواسر , مثل ماقلنا جايته هديه او لاقيه ضايعه ... إلخ وثق المعلومات + إكتب وجدول سلالته في دفتر + احفظ الصور عندك , صور ابوه أمه طبعا حسب مايتوفر لديك , لكي نحفظ عندنا سلالات أصيلة هذي الجزيرة العربية , المفترض ان السلق الاصيلة من كثرها تلقاها همل بالشارع وفي البرح بدل الله يكرمكم الجعر الضالة أخطار ضياع السلالات عدم التوثيق + الــــــــــــــــــــــســــــــــــــــرررق + الضياع + السلق السورية + الخلط وثق + أوسم سلقك " حط عليها وسم خاص فيك حتى يسهل التدليل عليها في حال ضياعها + حط فيها حجل فيه اسمك ورقم جوالك " فتخة أو خاتم " تجدها في محلات مستلزمات الصقور , يصلحونلك خاتم فيه اسمك ورقم جوالك تعلقه في طوق السلوقي + إحفظ محلك من السرق , إنتبه من الناس اللي تخالطهم , لا تدل كل من هب ودب من اهل السلق على محلك , إنتبه من المهدات وخلك حريص جداا فهي مكان خصب يتكاثر فيه السرقان .. (( همسة )) السلق السورية التي تستورد وتعرض للبيع وصورها مالية المنتديات ليست عربية . نسبة العربي فيها قليل, وإن وجد لايمكن التعرف عليه لكثر خطله مع غيره .. السلق السورية بالغالب = كردية + ايرانية + تركية + مخلوطة بجعر أو قريهاوند .. إذا شفت السلوقي مقعطة إذانه ليس السبب وراء ذلك أن يكون نبية أو شرس !! لا ولكن لإخفاء عيوب العرق اللي دخل عليه سواءا قريهاوند او جعر . طبعا تقطيع الاذاني ثقافه قديمه لدى الاكراد غالبا والشام عموما تطبق حتى على كلاب الحراسه من اجل ان تكون شرسة ولكنها الآن أصبحت عذر لإخفاء العيوب .. إذا كان عندك سلق اصيلة لا تخطلها مع سوري او قريهاوند او اي ذيخ فقط لأنه سبووق وماتدري وش اصله , إذا كان قصدك المقناص فلك عذر انك تخلط من اجل ان تحصل على شي سبووق ولكن قبل ذلك يجب ان يكون عندك شي محفوظ ولا يخلط مع غيره ابدا إنــتـــهـــــــــــــــــى |
| الساعة الآن 04:21 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir