|
سالفة:تكفيخة معرس..قوافي السلام عليكم ورحمة الله وبركاته حياكم الله مشرفينا الكرام ياهلا بأخواني واخواتي وزوار مكشاتي الغاليه سالفتنا قديمه على ايام العروس اللي تقام بالبيوت الحريم بالبيت والرجال يفرشون زل بالشارع ويعلقون عقود لمبات ويحتفلون مع المعرس بعرسه.. البيوت زمان ماتخلا من الحيوانات المنزليه المستفاد منها مثل البقر الغنم ارانب دجاج .. اصبحو الناس ولين هذا جارهم جايب من يفرش السوق بالرمل والزل استعداد لعرس بنته عقب صلاة العشاء وعقب العصر جا الطباخ وذبح ذبايحه والقهوجي بدا بصف دلاله واباريقه على هاك الوجار الكبير واستعد لأستقبال المعرس وضيوف العرس.. راعي البيت عنده الله يعزكم ثور بقرون ومقفول عليه بالقوع اللي هي الحضيره او المكان المخصص للبهم.. بدا العرس وجا المعرس مزفوف بالبواري .طاط طاط طاط هذا إعلان الوصول وتقهوى وسولف شوي مع ضيوف عرسه تعشى واخذ فنيجيل قهوه ثمن مسكه ابو العروس من ايده عشان يزفه لعروسه اللي داخل البيت .. وبدت الطقاقات بالطق وأكيد مهيب قمري شل بنتنا والمعرس مابين مستحي ومتوتر يمشي وهو مطنبس للأرض .. مادرا إلا وهو متشنجل ودردب دردب دردب !! انفلق ودارت راسه وصار حول من شد ما جاه وما يدري من وين ينحاش تحرول من المفاجئه ما عاد يبي يعرس يبي الفكه والسلامه من الثور اللي عجز ياقف احد قدامه او يوقفه عقب ما كسر الباب وطلع بس مهوب وقته خلا المعرس خرايط وزين انه اكتفى بالمعرس وطلع للشارع ووجهه شمالي انحاش ما عاد لقوه عقب ما قلب العرس ليلة رعب وحاس كشخة المعرس.. تحياتي اختكم ..قوافي.. |
| الساعة الآن 04:02 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir