منتدى استراحات زايد - ليتك توادعني

بسم الله الرحمن الرحيم..
السلام عليكم ,, انا كل مرة ادش في الموقع اطالع واتصفح واقرا القصايد الجزلة, لكن هالمرة ابي انزل قصيدة لي بعنوان ,,ليتك توادعني ,, واتمنى انه تحوز على استحسانكم وترقى لذائقتكم..
كما يشرفني النقد البناء الهادف لأنني اهوى الشعر وقد كتبت الكثير من القصايد.

في حزة تغفى جميع البصاير يلفي علي ضيف وحالي معذب
ينزل حماي ومايبي لي خساير ماياكل الجزلة ولا ياكل عنب
دمي عقب ملفاه يغلي وفاير وكن الضلوع بداخل الصدر تشذب
يامرحبا بالضيف لو كان جاير لازم نهلي به ولازم نرحب
اقلط عسى تفداك كل العشاير اللي على حبه واللي بلا حب
حيث ان ولد اللاش طبعة يعاير ويذوق سم داخل القلب قد دب
ويشرب معي فنجال هم وعباير ويمسي عقب فرقا وليفة محودب
ياضيف طال الصيف مامن بشاير والقلب مثل البيت مقطوع كهرب
خلن جرحني جرح والجرح غاير ماظن ينفع به قراية ولا طب
عقلي عقب فرقاه تايه وحاير وهذي سوايا الحب لاعاد من حب
ياضيف حلك طال ماعدت زاير ليتك توادعني .. ولا.. تأدب..!

(ابو نورة)