|
سالفة:زلمه بدو يبيض..قوافي http://t3.gstatic.com/images?q=tbn:A...WuQJHo0R69quYW حياكم الله مشرفينا الكرام ياهلا باخواني وأخواتي المكشاتيه وزوارنا الكرام هذي السالفه عن بغبغان كان جاينا هديه من لبنان من صديق للوالد ايام زمان وكان اول مره نشوف طير كبير غير الصقر.. صوته حدث ولا حرج من الازعاج وكان مثل اللي مهنته التصفير وتقشير الفصفص والفلفل وتطيير القشور يمين وشمال.. هذي صوره اخذتها من النت وهي نفس المليح اللي كان عندنا.. كنا مسمينه سن كويك .. سن كويك كنا نصك عليه بعشه صغيره وشبك عادي مثل عشش الحمام وما قد قعد الشبك اكثر من يومين ثم يقطعه بمنقاره ولا يخلي فيه دويره سليمه واشترى الوالد لفه كامله شبك للسيد سن كويك عشان ما يطلع ويظيع.. وكل ما صرخ ولا صفركبكبنا عليه مويه ولا بعود المكنسه من فتحات الشبك وتلميخ وان طلع لحقته النعال:D و دلا يصرخ لين يصك اذآننا ونصير صمخان مانسمع إلا وششششش.. بيوم ما درينا إلا الاخ سن كويك مقطع جزء من ريشه اللي على الصدر وثاني يوم قطع ازود لين غدا مافيه إلا كم ريشه واللي يشوفه يحسبه نابغه على هالقرع.. بسوقنا واحد خبير حمام جابه ابوي يشوف وش فيه قال انه يبي يبيض وعشان كذا مقطع ريشه المهم جمعنا له تبن بوجه العدو..لا هنتو..وحطيناه عنده .. وتكفين يالمليحه بيضي مافيه فايده وقطعت الباقي من الريش وأخوتنا بالصراخ والتصفير وحنا نحتريها تصير ام .. http://t0.gstatic.com/images?q=tbn:A...Ku6q32TA8Vku_L عقب كم يوم جانا اللبناني راعي الهديه ولين سن كويك الضعيف اقرع من جميع النواحي:D قال اللبناني يوم شافه: ييييييييي شوعملتو ياخييي بالزلاميه والله كان منيح وما كان بو إيشي!!.. قال الوالد: والله درينا انه يبي يبيض وجبناله اللي يعشون فيه الطيور بس ما باضت:D رد اللبناني : شو شو بدويبيض هيدى زلاميه ييييي هيدا خلاص طارت أعلاتو هيدا صار مجنون منو بدو يبيض:D ومات عقب فتره من غير ما يقولنا ليه انهبل ( هماه يتكلم) تحياتي اختكم ..قوافي.. |
| الساعة الآن 02:09 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir