منتدى استراحات زايد - (.لا تهين نفسك.)

هذي ابيات تعبر عن نفسها..

أقول

يالي تشكى من زمانك على شان= تكسب بيوت(ن)من كتابت يدينا

اسمع قصيد(ن) ما يجي فيه نقصان=وأن كان جابه نقص رده علينا

لاصرت فاقد لك حبايب وخـــــــلان=عسى الله يعينك ولا يبتلينـــــا

أصبر على قاسي بغيتــــــه ولا لان=لابد للقاسي نهار ويليـنـــــــا

لا تهين نفسك له وشم ياكحيـــــلان=هذا الكلام الي عليه اليقينـــا

هذا وانا قفى حبيبي مسيــــــــــــــان=لاقال يبغنا ولا ما يبينـــــــــا

أقفى وحط الهجر للحب عـنــــــوان=وقفل كتاب أحباب عشو سنينا

قضيتها حب(ن)عفيف(ن)ومنصـان=ماجات به شكت ردى من حدينا

كنت أحسبنها خالده طول لزمـــــــان=وأثر القدر تحت الليالي دفينــا

أضحك وأقول أني مروق وفرحـــــان=أكذب على روحي وقلبي حزينا

وأنا على سيد المزايين ولهـــــــــان=وأعيش مع ذكراه لونا أنتهينا

والى ذكرت ايام مرت لها شـــــــــان=أقول واعزاه يسقا علينـــــــا

لاكن مادامه صد من غير برهــــــــــان=يستر عليه الله صافي الجبينا

ما أطرد ورى المقفي ولا أرضى بحقران=والرزق عند الي كشف ماكنينا