منتدى استراحات زايد - قصة المدرس و

السلام عليكم ورحمة الله وبركاته
السالفة هذي حصلت لواحد من اصحابنا الله يذكره بالخير وين ماكان
يرويها لنا بلسانه وباسلوبة اللي ما يخلا من الطرافة
يقول اول ما تعينت مدرس جديد في مدرسة في قرية تبعد حوالي 180كيلومتر عن بيتنا وطبعا هذيك الايام الطريق صحراوي مرة جبال ومرة سهول مرة تغريزة ومرة تتعلق السيارة على الحجر غير البنشر وغير ان السيارة كل اسبوع عند الحداد ما فيه غير تلحيم
والقرية اللي يدرس فيها ما فيها كهربة ولا مخابز وحتى البقالة ما فيها الا اشياء بالبركة وطوييييلة الاجل وبدون ثلاجة طبعا عارفين القرى اول
وكان يروح ليلة السبت وما يرجع غير الربوع واذا ما اخذ مونة الاسبوع من خبز وخلافه قعد بها
وليلة من ليالي السبت كانت فيه مباراة وخوينا هاوي كورة وكيف وفريقة في مباراة نهائية على الكاس ذيك الليلة
المهم الرجال تفرج على المباراة وبعد ما تجرع فريقه الهزيمة كعادته واستلم الفريق الفائز الكاس واستلم فريقه الميداليات الفضيةوبعد السلام الملكي لملم خوينااغراضه من خبز وتونه وخلافه واتجه الى سيارته الوانيت الغماره ومسك خط لين وصل منطقة مشهورة بالجن اعاذنا الله واياكم وما شاءالله عليه خوينا مقطوع راس على قولة الشيبان عندنا يعني ما يخاف المهم بنشرت عليه السيارة في ذيك المنطقة في نهاية شهر لا قمرا وبوسط جبال لو مد يده ما شافها من شدة الظلام يقول وقفت ونزلت ومعي ولاعة طرحت المقعدة وولعت بالولاعة ادور مفتاح العجل والعفريته يقول حسيت شي دخل الغمارة مع قزاز باب الراكب ولما رفعت راسي وبلا صحوو قلت السسسلالالالام عليييييكم من الخوف ويقول يوم طليت زين والياه بعير جابته ريحة الخبز اللي انا اخذه معي للعزبة طردت البعير بعد ما جعم بريالين خبز وغيرت الكفر وما وصلت العزبة غير بساعات الصبح الاولى لاعادها الله من مباراة ولاعاده الله من بعير فاله الجزار
تمت.