|
المسـاعدات المريحه للددسن & السـده والصـوت ( منكم نستفيد ونفيد ) السلام عليكم ورحمة الله وبركاته .. يالله حيهم كلن بإسمه .. عندي بعض الإستفسارات .. اغدين القى إجابات عندكم .. والإجر على الله .. بسم الله نبدأ .. اول شيء المساعدات : ابي اركبها على ددسن .. 2009 .. ابغى راحة منيب راعي طعوس يعني بالشهر مره ابي اركد الوجهيه .. ابغى نوع المسساعدات خلفي & أمامي افضل محل اركب عنده اسعارهن .. هذي نقطة النقطة الثانيه .. بخصوص الصوت ( دبة أو سدة ) : أبغى صوت لاكن مو مزعج ابي كأنها وكاله يعني شلون اشرح لكم مدري ما ابي يبين اني مركب شيء ابغاها تغطي على حنة المراوح .. يعني خفيف وناعم الصوت اذا فرضنا انها سدة وين افتحها وافضل لحام ووين موقع السده ابغاه شكل قبل الصوت يعني اذا دعست له اسمعها .. اما وانا واقف ما ابي شي .. خبركم بالشيبان ما يحتاج عاد .. عسى ما أكون طولت عليكم .. والله يجزاكم كل خير ويبارك فيكم .. وسؤال خاطم ابي تجاليد وكاله لاكن اصليه مابي كيس ابي تجاليد كل هالمحلات ما عندهم سالفه هم وتجاليدهم .. والله يوفقنا لم يحب ويرضى ويكتب اللى فيه الخير .. موفقين |
| الساعة الآن 06:30 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir