|
ذبحة ابنها لتنتقم من زوجة رجلها **وقــصه من المــؤروث الشعبي **مـحــمــد الـظـاهــري السلام عليكم ورحمه الله وبركاته ابي كل وحده منكن تدخل على الرجال اخواني ... اعضاء ومشرفين وزوار منتديات مكــــــــشات اهلا ومرحبا بكم في خيـــــــــــــــمه السؤلف الشعبيه والتي تزخى بالسرد الجميل لا اطيل عليكم واترككم مع السالفه واتمنى انها تحوز لكم ملاحظه’’السالفه ليس من الخيال كما تعلمون اخواني في وقتنا الحاظر ولله الحمد كثرة الاوعيه الدينيه والاشرطه واقامة المحاظرات وقبل لا توجد لا محاظرات ولا غيرها ولكن الحمد لله الدين ينتشر ولله الحمد كان فيه رجال من عرب لا يذكر اين منازلهم كان عاشق زوجته ويحبها حب ما يتصورون اهلها وكان اهل ديرته يعرفونه بالعاشق لئن قبل الرجال يكون لهم خشونه الا خوينا ليةنه زايده على ما يقلون والعايب ان زوجته لا تلد كل ما حاولو في ايجاد علاج ما ينفع ارمست السنين وتنقلو من منازلهم يتابعون البروق ويحدرون في هاك الفيضه ما عندك ازين منها واهل ديرته معه واهله امه وخواته ومن عقبها جوهم عرب ونزلو الفيضه من شمال وكان فيه بنت مزيونه من العرب الجديدين وم الرجال وخواته طارن فيها كليله متجمعات الحريم وسؤاليف وسؤاليف لين جاء اخر الليل ويم مشن قالت ام الرجال وش رايكن يا حريم زوجة فلان ما تحلف ولها ثمان سنوات وهي ما خلفت انا ابي ازوج فلانه لفلان وكل وحده تقول رايها والله هاذا الحل الزين والي تقول فلان يحب فلانه وما ظنتي ياخذها المهم يوم اصبح الصبح والام تجي عند ولدها وتسؤلف لها وتسؤلف وتلمح وقالت يا فلان قال سمي يايمه قالت فلانه لك سنين وهي ما تخلف وانت كبرت وش رايك ابي ازوجك فلانه من الغرب الفلاني وترها نزيونه ومن ربعن اجاوبد والام تزين للولد عشان يوافق والرجال المره الاولي رفض يتزوج على زوجه وعشيقته والام مثل ما تقولون زعلت وطفشت من زوجت ولدها وقامت تلمح قدامها ان تبي تزوج ولدها هي وخواته كن حزت في خاطرها وتروح يم رجلها يا فلان امك تبي نزوجك وانا موافقه وانا ابي اروح اخطبها لك الرجال رفظ لين اصرت زوجته انه يتزوج لين وافق ومن بكره تروح زوجته للعرب وتخطب البنت لزوجها اهل البنت استغربو اول مره يشوفون مره تخطب لزوجها وافقة البنت ومن عقبها بيومين سوو هاك العشاء وطيب وقهوه وفلة حجاج والرياجيل الي يرمي والحريم يغنن والخيمه مبنيه ودخل الرجال على حرمته الجديده وزوجته الاوله فرحانه لئن نيتها صافيه ويوم اصبح الصبح تقوم وتزين لهم هاك الفطور خبز معفوت بسمن ما عندك احلا منها وتقدمه لزوجها وزوجته الجديدين ويوم الشمس بدة تحتر وهي تيذبح هاك النعجه وتطبخه لهم وهي مامرة عليها اليوم هاذا فرحانه المهم عقبها بكم شهر وفي هاك الليله والرياجيل متجمعين وقالو الكبار يالربع ترانا بكره شديد ان شالله قالو تم ويوم اصبحو وكل واحد يطوي بيته ويولم عفشه وهرجعون لديارهم والرجال ونسوانه الثنتين معه مرت السنين وحملة زوجته الجديده وجابت له ولد ولكن زوجته تكره طبينتها لئن زوجها يعشقها اكثر من ام الولد وكل فتره تمر يزداد كره ام الولد على الزوجه الاوله واليالي تمشي والولد قام يمشي ولد صغير ما يعرف شي والا في هاك اليوم الرجال مسوي له غدا لفو عليه ضيوف وحريمه يركبن قدورهن ويطبخن وكل شوي وحده تروح تحطب وفكرة ام الولد وجت اليوم الي تنتقم من الزوجه الاوليه وقالت يا فلانه اسمعي خلي القدر يطبخ وانا وانتي نروح نحطب مره وحده ازن من كل شوي وحنا رايحين قالت خلاص وراحن الحريم وتفرقن ام الولد راحت من وراء البيت والزوجه الاوليه راحد من قدام ام الولد رجعت للبيت واخذة الولد وحطته في القدر وراحت وكئنها جايه للبيت وهي الي تصيح ولدي ولدي والا الولد قد مات ويتليمون علها الناس وهي تنهم زوجة رجلها القديمه وهاذيك الضعيفه نيتها صافيه بس هاذيك هي ذبخت ولدها عشان نتنقم من طبينتها والناس ها الليله ما نامت والرجال هاك الليل مانام يفكر في حريمه يعرف ان زوجته الي ما تولد انها طاهره ويعشقها وهي تعشقه فكر الرجال وياخذ الشور من احد اصحابه الخاصين وقاله رح بكره للعرب الفلاني وفيه واحد حكيم وشيخ وراعي قضوهواسمه فلام وهو الي يفيدك من المخطي ومن بكره وهو يركب على ذلوله ويروح للعرب الي وصفله خويه ويوم وصلهم وين فلان وين فلان دلوه الرياجيل وقام خوينا يشرح له بالي صارله ومشكلته مع نسوانه الثنتين قال الحكيم ارجع لديرتك واجيك انا باكر ونعرف الحقيقه المهم رجع الرجال ويهوجس من المحطي ومن بكره جاء الحكيم ويوم وصل لبيت الرجال قال اعزم الرياجيل للقهوه وعزمهم ويوم صك المجلس قام الحكيم وراعي البيت وطلعو من المجلس وقال الحكيم ابي اكلم النسوان وقالهن اسمعن يا حريم وكل وحده ترفع قميصها لين يبين ساقها ابيها تاصل للقهوه وترجع لمكنها وعلى طول قالت ام الولد ان شالله يا حكيم وانا اول وحد ويوم مشت تبي اروح للمجلس مسكها الشيخ وقال خلاص عرفنا من الي ذبح الولد قال انتي يافلانه وهي امه عاندت ولكن رغم قساوة زوجها اعترفت في الخطاء وقالت انا جدعت ولدي في القدر عشان احطها في فلانه لئن ما ابيها ولئنك تعشقها مع انا الي ولد لك وهي عشر سنوات وماجابت شي طلقها الرجال وارسلها لديارها ويوم جاء في الليل وامتلا السماء بالنجوم جلس راعي البيت هو والحكيم وقاله يا حكيم انت كيف عرفت بسرعه ان فلانه هي الي جدعت الولد في القدر قال الخواف اذا جاه واحد وقاله اذا سويت الشي يدل على براتك وهو يوافق بدون تردد اخواني القصه هاذي لا توجد في كتيبات ولا سبق ان وزعت في اشرطه او غيرها هاذا اتيت بها ومن روايه قديمه ارجو ان نالت القصه على احسانكم واعذروني كتبتها على عجل ومثل ما قلت لكم القصه حقيق وليس من الخيال وكما بدايه سردي بالسلام انهي سالفتي بالسلام عليمم ورحمه الله تحياتي لكم مــــــــحــــــــبكم مــــــــــــــحــــمـــد الـــــــــــــظـاهـــري |
| الساعة الآن 06:56 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir