منتدى استراحات زايد - طريقة صيد الضبان للاهميه ولفائده

السلام عليكم ورحمة الله وبركاته
مساء الخير
يااخوان هذا موضوع للفائده فقط
وهو يتكلم عن مقناص الضبان
بعض المدن حوله الضبان قليله وبعض المدن
ضبانه بحر
والكلام للجميع وللي حولهم الضبان قليله مثل القصيم
ومزارع القصيم
انا دايم اصيد حول مزارع القصيم
لاكن بعض الضبان اللي اصيده
احصله جريح او مصوب في رجله ولا يده ولا ولا
ومعروف الضب اذا ماكانت الرميه قاتله(قاتله في الراس) راح يدخل صويب
وحتمال يموت في جحره تعزير
اللي اتمناه من الصيادين
ياخذ هالطريقه لصيد الضب لو كانت شوي صعبه
اللي هي
تحاول انك ترمي الضب اذا كان طالع راس الضب فقط
وهذي هي الطريقه اللي انا استخدمها
عشان اذا الرصاصه اخطة راس الضب تصير في التراب
ولاتلمس جسم الضب
ولو ترميه وهو طالع الضب كله احتمال تصوب بطنه
ولا يده ولا رجله ولا صدره ويدخل وبكذا اذيته ولا استفدت منه
ورجاآ لاحد يفهمني غلط يتوقع اقول لاحد يرمي الضب
وهو طالع كله انا اقول اتمنى ماحد يرمي الضب الا وهو الراس فقط اللي طالع من الضب الااذا كان رجال نيشان
دمتم بكل ود