منتدى استراحات زايد - متى على الله نمشي البر يا سعود

السلام عليكم ورحمة الله وبركاته

اعجبتني هذه القصيدة وحبيت انقلها لكم عن البر والمقناص

عسى تعجبكم

متى على الله نمشي البر يا سعـود
النفس ضاقت من جلوس المدينـة

أبي أسلي خاطـر ٍ ضايـق بـزود
أمن الهموم اللي أجمعتها سنينـه

ترى مجالس هالزمن مابهـا فـود
لاصرت بين أهل النفوس اللعينـه

قال ٍ وقيل وأهلهـا تدبـل أكبـود
وشتم ٍ وغيبه في عروض أخرينـه

في جلسة الواشين لاتكثـر أقعـود
تراك من أهـل العقـول الرزينـه

نبي الفياض اللي بها الصيد موجود
صوب الحفر نمشي إلى أطراف لينه

مع رجـال ٍ طيبهـم دوم مشهـود
عسى المنايا مـع عداهـم قرينـه

محمد البندر ونايـف مـع حمـود
ياسعد من كـان الطوالـه عوينـه

وإلا النماصي كفه بخيـر ممـدود
الجود طبعه والكـرم فـي يمينـه

شمر إلى حدك زمانك على الكـود
تفزع ولو دونك بحـور وسفينـه

وصلاة ربي عـد ماهبـت النـود
على محمـد خيـر مبعـوث فينـه

الشاعر وليدالبسطي