قصة البحث عن محول كهرباء السياره الى ٢٢٠
 

السلام عليكم ورحمة الله وبركاته
اليوم موضوعي طول الله اعماركم عن محولات كهرباء السياره الى ٢٢٠ او ١١٠
طبعا كان عندي محول كويو الياباني شريته من اكثر من عشر سنوات وقبل فتره بسيطه جاته مويه وخرب وديته للداؤد وقالوا بيصلحونه بس يبي لي انتظر فتره لين تجيهم شحنة قطع غيار ويصلحونه
جلست ابحث عن محول وضعت بين من يمدح ومن يذم وكل واحد يدلي بدلوه
وقررت يوم الخميس ٢٨/ ٥ / ١٤٣٣هـ
ان اتفرغ لجوله خاصه
واصبحنا واصبح الملك لله وتوجهت الى ساكو
وجدت عندهم كويو الكرتون احمر والكرتون الازرق والكرتون الاخضر وكذلك المحول الذهبي ابو نخله لكن لايعمل على الولاعه لكن اسعارهم مبالغ فيها
وبعد ذلك توجهت لمحل مارب الصحراء على شارع خالد بن الوليد ولم اجد لديهم شي واعطوني رقمهم يقولون اتصل وتابع واذا جات دفعه خبرناك
توجهت لمخرج ١٥ والتنقل بين محلات لوازم الرحلات بداء من الكشاته ومرورا بالبراري ودار الفراسه والقاضي وعلى ما اعتقد القناصه
والنتيجه جميعها ليست بجودة الصناعه الأولى
http://img.tapatalk.com/54eb49e5-d6f3-0546.jpg

هذا كويو ٩٨ ريال مكتوب عليه ياباني وراعي المحل يقول صيني وبدون ضمان

http://img.tapatalk.com/54eb49e5-d769-f781.jpg
وهذا كويو m.e.d وايضا مقلد على الاصلي الاول و٢٠٠ وات فقط
ومقلدين نفس النقط اللي وصفها احد الاعضاء كانه طرطشه بيبسي

http://img.tapatalk.com/54eb49e5-d7eb-d520.jpg

وهذا المحول عالولاعه يقول بضمان الداؤد وعليه علامة النخله وبناء على الوكيل يقول انه ياباني
لكن ٢٥٠ وات والنوع الاكبر منه ٣٥٠ ولا يعمل على الولاعه
وبعد جوله وسماع الاراء من اصحاب المحلات اخبرني احدهم ان لو وجدت يوكوهاما الكرتون الاصفر لا افوته ويقول ان صاحب المحل لم يحضره ولا يبيعونه ولكن انه جيد وبعد بحث وجدت يوكوهاما
الكرتون الاصفر ومكتوب عليه ياباني و٣٠٠ وات و٢٢٠ فولت
http://img.tapatalk.com/54eb49e5-d8ee-3244.jpg

وهذي صورة الجهاز نفسه

http://img.tapatalk.com/54eb49e5-d905-d5c0.jpg

وهذي صورة معلومات الجهاز خلفه
http://img.tapatalk.com/54eb49e5-d922-2b6b.jpg

واشتريته وتوكلت على الله ولازلت اجربه ونشوف مع الايام
طبعا سعره ١٥٠ ريال
هذا ما احببت ان افيد به اخواني في مكشات والمهتمين بموضوع الكهرباء في السياره
ولكم تحياتي وآسف على الاطاله


Sent from my iPhone using Tapatalk