|
سالفة:براهيم وجواهر..قوافي السلام عليكم ورحمة الله وبركاته حياكم الله مشرفينا الكرام ويامرحبا باخواني وأخواتي المكشاتيه وياهلا بزوار خيمتنا الحبيبه سالفتنا تتكلم عن الطفوله وما لا نحسب له حساب بحكم صغر السن والفروقات اللتي تحدث فيما بعد وتكون بمثابة صفقه قويه وتصادم بواقع صعب فهمه ببعض الاحيان وكيف وليه مالهم أي تصريف باللي يصير او صار السالفه مر عليها سنين ويمكن حول58 سنه ويمكن أقل أو أكثر .. براهيم بعمر الـ10 سنوات وله اخت اصغر منه وبنت عم بعمر اخته كلهم 8 سنوات.. يسكنون بقريه من قرى مملكتنا الحبيبه ويومياً يلتقي براهيم ابنة عمه جواهر وأخته ويلعبون .ما مر عليهم يوم من غير ما يجتمعون كان بينهم مودة الطفوله والأحساس الانتمائي للقربه .. فكانو دائماً ما يجلسون عند ساقي المزرعه ويحطون رجلينهم اعزكم الله بالماء ويسولفون وش يتمنون وش ودهم يشرون وكل واحد يعبر عن حلمه.. براهيم كان يتمنى يصير عنده مشلح رجالي مثل اللي عند جده ويلبسه كل يوم.. بنت عمه جواهر كانت تتمنى يصير عندها ثوب مثل اللي تلبسه أمه بالعيد أو العروس.. http://t1.gstatic.com/images?q=tbn:A...HApt7lwUNEQCOg اخته قالت انها تبي تصير تعرف تطبخ مثل امه ومن هذا القبيل من الكلام اللي ماله نهايه.. مرض الجد وكان رحمة الله عليه شايب كبير وقعد كم يوم على فراشه ثم مات :l صلو عليه ودفنوه وكعادة اهل المتوفى تقاسم الورث (ما خاب من سماه فرث).. باعو المزرعه وتقاسموالعيال والبنات ورثهم .. كلهم قعدو بالديره إلا ابو جواهر يبي يروح للرياض وشد الرحال بقروشه اللي معه وعلى الرياض استاجر بيت صغير وفكر بمشروع يستثمر بوه أمواله .. نرجع للقريه :ابو براهيم شرى مزرعه صغيره بورثوه وبنا فيها بيت صغير وسكنه هو وعياله واشتغل بالمهنه اللي ما يعرف إلا هي:s براهيم مانسى أمنية بنت عمه الحبيبه اللي راحت ولا عاد شافه بسبة خلاف حصل عند توزيع الورث بين الابو والعم :( وبعد 10 سنين قرر ابو براهيم يروح لم اخوه بالرياض ودرا براهيم وقال لأمه انه يبي ثوب مثل اللي يلبسونه عشان يبي يعطيه صوغه لبنت عمه وشرت امه الثوب بشرط ان اخته اللي تعطيه لجواهر مهوب هو عشان عيب كبرت البنت وما يصلح يشوفه .. راحو للرياض ومعهم صوغتهم وبراهيم يحس ان الموتر مهوب يمشي يزحف وكل شوي يعبر عن شعوره ويقول توي ادري ان الرياض بعيد يقول ابوه لا ابد حلتت عصا وذا على جمر وش حلتت عصا إلا كنه باخر الارض .. المهم وصلو الرياض ولا الدنيا غير شوارع وعماير وبيوت كبار(فلل) والروس بالسياره كنه تسوي مسح عشان يشوفون أرتفاع العماير يرفعون روسهم لفوق ويبدون بالنزول حتن يشوفون أخر العماره بالارض.. وصلو بيت العم اللي صار تاجر عقار ووقفو بددسنهم المغبر اللي يسوى ديره من طيبة اللي راكبينه والين وقف معهم عند الباب هاك السياره اللي طول بعرض ونزلت وحده من السياره ولين هذا العم وبنته جواهر جايبه من المدرسه او الجامعه وسلم على اخوه سلام بارد مثل اللي يقول وش عنده جاي يبي قروش ولا وشي وهو جاي يبي يسلم عليه ويتواصلون نكس رغم ان الخلاف اللي حاصل بسبة ابو جواهر.. دخلو وسلمو على الباقين وطبعاً الجواب باين من عنوانه كان وده يسلم على جواهر ويعطيه الثوب بس وش ثوبه خدامتهم تلبس اغلى من الثوب اللي هم جايبين ولو ان الهديه تعبير مهوب بالقيمه يقيم.. و رغم أن الحتسي من طرف الخشم إلا ان امه قررت تعطي جواهر الثوب ويوم عطوها اياه ناظرته ودلت تظحك بصوت عالي ومستفز عليهم.. ويصلاة العشاء كان ابو براهيم واولهم براهيم بسط السياره وعلى الديره وبالنسبه لبراهيم ماتت جواهر اللي يعرف وانتهت زيارتهم على مثل ما جو.. تحياتي اختكم ..قوافي.. |
| الساعة الآن 11:09 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir