|
لفاح الربيان البلاستك على القارب البلاستك السلام عليكم ورحمة الله وبركاته طلعة اليوم كانت بعد انقطاع مدة طويلة بسبب السفر وتقلب الاجواء... النزله سريعه ندور فيها ايدام للوالدة الله يحفظها تقول من زمان عن صيدك! اعلى مد كان11:30 انا في البحر 9:30 لفحت والمجوة ( بو نقطه ) ترس البحر واحجام عنتريه!! اهي صج تونس ليا خمطت بس مليت!!!! المهم قعدت احوس احوس واخر شي تعبت من اللفاح قلت اتمشى في البحر الزين واستمتع بالاجواء :good2: صار غيم والحمااااام ترس البحر كفخ في هالزوري!! الصوت والمنظر شي عجيب!! حسافة ما عندي لهم شي! ولا جان عبيت! بس لنا عودة ان شاالله ما اطول عليكم على الوقفة قلت الفح شوي صوب الاسكله المكسرة... ولا كلش ماكو حتى نابر عليها انا استغربت! بالعادة ما يمدي الربيانه البلاستك تنزل الا مجمركينا المجوة! وشوي وينام فيها شي كان بياخذ السنارة من ايدي لاني مو ماسكها عدل ههههههههه ولا قرقفانه حجمها طيب.. وارد نفس الربيانه وقرقفانه ثانيه نفس الربيانه صادت خمس قرقفانات.. اخر ساعة الا ربع كان كل الصيد فيها.. واخر شي ضرب الربيانه شي والمكينه عطتك وززززززززززز ولما سحبت ولا شاير .. واحاول فيه يمين يسار ماكو فايده.. المهم هوست عليه وانقص الخيط وحمدت ربي على الرزق وطوينا العدة واتجهنا للبيت طبعا انا عادة اصور اول ما اصيد.. بس حسيت ان السمجة دايره وما ابي اضيع وقت.. والتصوير كان في الاخير والحمدلله توفقنا بإيدام حق الحجية.. اخليكم مع الصور وتقبلوا تحياتي مخلد المطيري http://i1092.photobucket.com/albums/...d/dff5d2eb.jpg http://i1092.photobucket.com/albums/...d/fb83d281.jpg http://i1092.photobucket.com/albums/...d/74be0a0e.jpg http://i1092.photobucket.com/albums/...d/08a913c8.jpg |
| الساعة الآن 11:49 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir