منتدى استراحات زايد - سالفة عنوآنهــآ من عندكــم , "ولكم تحيّه "

بسم الله الرحمن الرحيم ,,

السلام عليكم ورحمة الله وبركـآته ,
حيّآ الله المشرفين , والاعضآء , والمكاشيت , والكاشتين , والكشّـآته ,

عندي لكم سالفه , شكل غير وعلى مايقولون جده غير :p

وهذي القصة حادثه لي من حوالي 33 سنه ولم انساها حتى الان .
ومن يجد في نفسه الكفـآءه والقدره على التجاوب والتفسير لهذه القصه ان تجود به نفسه علينا
وله منّـآ جزيل الشكر

. .
ندخل في صلب الموضوع

على قولة اخواننا المكـآشيت منذ مبطي ( كنت رآيح للديره وكانت ايام الشبآب " الوجوجة" :D آحيـآنآ تكون مكّده ودورة عيشه , واحيانا تكون طردي وكشتآت ..

وبحكم ان الديره قريبه من الرياض مآتبعد الا حوالي 200 كيلو .

" وفي روحة من الروحآت . . مـآسك الخط الساعه 11 الليل . تعدّيت الرياض بحوالي 90 كيلو يعني في المنتصف .

وانتو خـآبرين الشباب وشطحآته :D, دعست بنزين شوي وخذني التفكير ونسيت رجلي على دعسة البنزين , , ومـآوعيت بنفسي الا مـآسح طبلون الموتر .. :eek:

عيوني مفتّحه على الطبلون وعقلي ســآرح وماوعيت ولله يآشباب إلّآ بصوت الوالده كأنها معي ف الغماره - الله يطول بعمرها ويخليها لنا- وصوتها عند اذني ( أنت مجنون !!! وش ذا السسرعه !! وش الله حـــآدك ), مثل اللي صحيت من غفلتي وأنـآ اللي ارفع رجلي عن الدعسه
خوف وقشعريره, ويرجع مؤشر السرعه لحد ال 80 - 90 .

شووويَ ,,, يوم انفجر الكفر الايسر الامــآمي ( بوّوّوّوّوّوّوّ )

الا ولله ويحذف بي يسار .. اعدل الدركسيون ابيه يمين يسار عجزت لحد ماطب بي الردميه الجهه اليسار ! ومن هاك الساعه لهالساعه ذي . أحمدلله على السلامه وعلى العآفيهه ..

وآتســآءل عن صوت تحذير الوالده اللي جآ مثل الطيف

ويـآجمآعة الخير وش رآيكم !!

مع ان الحدث من 33 سنه ولا قدرت انســآه الى الان !! القصه حقيقيه 100%

من يجد في نفسه الدلاله والمعرفه فل يفيدني ويريح قلبي , وله مني جزيل الشكر . .

آخوكم ومُحِبّكم / خويّ مخبـآته ..