|
ليلتين مامر علي مثلهم/في معقر الجن السلام عليكم ورحمة الله وبركاته بأختصار وسامحوني على اسلوب الروايه التاريخ كان في موسم الامطار من عام 1418 هجري مكان الحدث في الهضب في اجبال تسمى اعليق وعلاق عزمنا انا واخوياي تقريباً كلنا 6 اشخاص ولمنا العزبه ونطلقنا من وادي الدواسر باتجاه الهضب على سيارتين ومتحاشرين فيها مشينا حوالي ساعتين واغلب مشينا مسرعين نبي نلحق بعض السدود قبل الليل وحنا ماشين وقفونا اخويانا السياره الثانيه طبعاً احنا من قبل مانمشي اممرنا واحد منا يكون اراي المطلق له وهو اكبرنا وقفنا وقعد اميرنا يطالب ويزاعق علينا ههههههههههههههه يقول : وين انتو رايحين كسرتونا ولعبتوفينا بسرعتكم وحبكت معه الا نمسي في ذا المحل شفناه زعلان وطعناه ونزلنا العزبه وفرشنا الفرشه والي راح يحطب والي راح يذبح التيس ماطول عليكم تعشينا وقال واحد من اخويانا اسمه ناصر بروح اصلح شاهي قام وغسل البريق ولانضف البريق لانه كان عقب حليب من الكشته الاولى راح وصب ماء في البريق وحطه على الجمر بعدها فاح الماء وراح يكب الماء يعني عملية تعقيم طريقه حلوه بس انه يوم يكب الماء وهو حار ماسم بالله المهم صلح ناصر الشاهي وتقهوينا شاهي مدري وش طعمه مالغ ههههههههههه يوم جا انوم هههههههه الله لايوريكم خوينا ناصر قام ينتفض من البرد ويصيح بصوت عالي شبو اضو شبو اضو……… فقمت قلت له عسى ماشر وشفيك قال انا بردان رحت وحطيت عليها من اقراش اسمر ولاشبت بغيت فيها تشب ماش قلبتها منا ومناك استغربت منها وكوش جلدي المهم رحت اجمع من ذا اساف الي يشعق الضو واحطه تحت اقراش اسمر يوم غدالها ادخنه وانفخ وعيوني دمعت من ادخان وخوينا ناصر اشوف شكله متغير يوم اشعقة اضو اتقول حاط عليها بنزين وناصر الي يقوم وعيونه حمررر وفاتن في اضو اثر ناصر يعلمني اخوه من تالي فيه جن من اول وهو واقف قام يطالب النار والله ياشباب اني امسكه وادزه بعيد من اضو قعدنا على ذي المره ربع ساعه وهو يهاوش النار وانا مدري وش اطبخه اصلاً اخوينا بعضهم صحا من النوم وقال واحد منهم شكل فيه جن في موقعنا ولاكانه يصحيني من النوم مافطنت الاتالي قلت لفلان الي هو مطوعنا اقر على ناصر في السياره بسرعه وانتو ياشباب جمعو العزبه خلووونا نظهر من ذي الجبال الله لايبارك فيه ولافي اميرنا وانا نجمع اغراضنا سريع سريع مااحامنا الى حذف الحصى يمنا وخبط وخبط والي يسمي والي يقرا والي يتعوذ من الشيطان وانا نركب السيارات ونمشي حوالي 20 كلم ونوقف في ارضاً سهله ونوم عقب تعب يوم اصبحنا وقام خوينا ناصر قلت له انت وش علمك البارح قال: يابوبندر تصدق ان ركبتك يوم انك تشب اضو ملاصقه بركبة جني شايب لحيته بيضا واجفون اعيونه بيض ومحوله على اعيونه من كبر الجني طاعن في السن وهو مسلم خيررر متدين قلت لناصر وانت؟؟ قال انا فيني جني ياسبحان الله ناصر فيه جني من اول . قلت لناصر طيب وراك تهاوشه وبعدين وش سالفت اضو قال اشايب الجني هو اضو والجني الي فيني يهاوشه لان اشايب يقول لنا اطلعو من ذي الجبال واشعبان انتو اذيتونا كبيتو على بزارينا ماً حار وزلختو اجلودهم قلت لناصر وانا مستغرب مع خوف احلف قل والله ان ركبتي املاصقه بركبته وحلف هههههههههه وقمت اتراعد...... المهم افطرنا وتحمدنا علي اسلامه وتغدينا حول هجرة العسيله وجيناك راجعين يم اديره ( الوادي ) نمشي ورا بعض السيارتين قبل الوادي بــ 100 كلم ضيعونا اخويانا اسياره اثانيه قلت للي معنا ان شاء الله بيدلون الطريق لاني خابر معهم واحد يدل كملنا مشينا وكنا مسرعين واقبلنا على احزيم فيه حصى اشوي قلت لسواق يولد حاسب قال: ااااه تمسكو مافيه فرامل ههههههههه وانا الي نرقا الحزم وينزلبنا على احيود متركزه مثل اسكاكين ودربددددد بغينا ننقلب وقفنا انشوف الاضرار حصلنا اثنين من الكفر منفقعه قوام بدلنا الاستبنه ومشينا انعتب على كفر ولقعدنا نمشي اشوي جانا نور من ورا اشوي ويختفي وساعه على الموال ويوم الله بيرزقنا ولد الحلال وتجينا سياراه من قدامنا ونشر لهم ويوقفون قلنا لهم انتو جن والا انس قالو وش السالفه علمناهم بعلومنا ونبي كفر قالو مامعنا كفر ان قبل اشوي وقفونا هايلكس مثل موتركم وعطيناهم اسبير حقنا لانهم امبنشرين عندهم كفرين بس بنراسل اخويانا بالجهاز وبيجون والله ياليلتين الي راحو كان فيها خوف وضحك الامبالاه رجعنا للوادي وسولفنا عن رحلتنا ومعاناتنا لشيبان الي عارفين الكفت تدرون اول ما علمناهم وش سوو قعدو يضحكون علينا ربع ساعه وهم يضحكون استغربنا قال شايب من اشيبان وهو اكبرهم : انتو مهبل احد يمسي في اعليق واعلاق كله المنطقه ذيك مضارب جن وهي اديارهم واذا مرينا من عندهم ان سمي بالرحمن قال واحد من اشيبان : احمدو ربكم انكم طحتو في ابو هدب الجني هذا مسلم وخير والله لونكم طحتو في دشيرهم الله اعلم وش بيصير . ههههههههههههه صار يعرف ابو هدب انتهت قصتي وعسى ماثقلت عليكم....... :eek::eek::eek: |
| الساعة الآن 09:44 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir