حوار بين ممانع ومساير حوارية افتراضية بين صديقين، الأول اسمه ممانع والثاني اسمه مساير، كتبتها من باب النقد العام، إذ أنها تحاكي واقنعا في البحرين. حضر الصديقان مساير وممانع مسيرة 9 مارس التي دعا لها شيخ عيسى فكان التالي:- ممانع: يسقط حمد يسقط حمد... مساير: ويش هالحجي!! احنا لازم نتوحد ضد العدو الخليفي، وما يصير ننشغل ببعض. ممانع: أنا قلت يسقط حمد، ولم اقل يسقط.... عشان تزعل عليي مساير: تبغى تقول يسقط حمد لا تجي مسيرتنا ممانع: مو هذي مسيرة شعب؟! شلون ما تبغي الشعب يعبر عن رأيه مساير: لأن احنا لازم نتوحد تحت راية الوفاق وشيخ عيسى ونخلي قوتنا ضد النظام ممانع: انزين شلون نخلي قوتنا ضد النظام وانتة مو راضي أقول يسقط حمد؟ مساير: لأن الحكمة تقتضي هالشكل ممانع: فهمني يالحكيم مساير: سماحة الشيخ أبو سامي قال لا تهتفون بشعارات التسقيط، وأيضا الوفاق قالت هذا الشيء، وطبعا هم حكماء ويشوفون شيء احنا ما نشوفه ممانع: شيء ما نشوفه؟؟!! احنا مخبلين لو جهال ما نفهم لو الله عطاهم عقل واحنا ما عطانا مساير: بس احنا لازم نتوحد، وقد قال تعالى: واعتصموا بحبل الله جميعا ولا تفرقوا. ممانع: اقرأ الآية زين، فالآية تقول (اعتصموا بحبل الله) وليس أي حبل مساير: شلون؟! ممانع: اعتصموا بحبل الله معناها لا تركعوا لأعداء الله وتقولون عنهم (جلالة الملك) مساير: خوك رجاءً لا تضرب نغزات على العلماء، وخلنا نتوحد ولا تفرقنا، في ذمتك لو آل خليفة شافونا جدي مو بيستانسون؟ ممانع: بس الله أمرنا نبين الخطأ، واحنا كنا في التسعينات نرفض منهج المدني وأحمد العصفور. مساير: الكلام وياك ضايع، جم مرة أقول لك احترم العلماء؟! وفي الليل التقى الصديقان ممانع ومساير ودار الحوار التالي... مساير: ويش فيك خوك؟ أشوفك متكدر وشايل هم على راسك!! عسى ما شر ممانع: صراحة اللي صار اليوم العصر بجنب دوار القدم مو عدل مساير: ويش اللي صار؟ ممانع: قاموا شرطة الوفاق ومنعت الناس من التوجه لميدان الشهداء مساير: لا تفتري على العلماء بدون دليل ممانع: شوف هالمقطع اتأكد بنفسك http://www.youtube.com/watch?v=-8Uz_...ature=youtu.be مساير: بس احنا ما ندري، يمكن الوفاق والعلماء يشوفون في حكمة احنا ما نشوفها ممانع: ردينا على سالفة الحكمة الا الناس ما تستوعبها بس الوفاق والعلماء؟ مساير: خوك هذا شيخ علي سلمان مو أنا أو انتة، هذا محنك سياسيا ورجل حكيم وشجاع وصلب ومؤمن وتقي وورع وووووو ممانع: بس بس بس لا تخسفنا، ما باقي الا تقول ان هو واحد من المعصومين (ع) مساير: تغلط على سماحة الشيخ؟! آه يالملعون خلاص من اليوم لا أعرفك ولا تعرفني القصة للاستاذ الفاضل وطن بلا آل خليفة عضو ملتقى الشهداء اتمنى التعليق بدون التعرض لشخص كاتب القصة او ناقلها (بدون شخصنة) وشكرا |
الساعة الآن 04:22 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir