منتدى استراحات زايد - دكتور.. أنا جيتك ادور روشته

بسم الله الرحمن الرحيم

السلام عليكم ورحمة الله وبركاته وبعد

اللغز للدكتور ناصر العلي عميد الألغاز-- والرمعات مرحب بها من الجميع :-

دكتور.. أنا جيتك ادور روشته ...و نبداء بشرع الله ونتبع علومه

انشدك عن وضعً حواليك عشته ... لا هو نظام وما عرفنا ختومه

يا طيب ذا الرجال من دون بشته ... واذا وصلته جاحظً تقل بومه

قوقلت معنى الوضع ثمً نبشته ... اسمً قديم ومخلفين وسومه

لا جيتهم كنك على جال كشته ... وكلً على قدك يفصل هدومه

خط الزمن في مصطلحهم فرشته ... وتحته كثير الناس يشكي همومه

تكفى يابومتعب ياليتك كرشته ... اللي على شعبك مكثف هجومه

ياكثرهم والزاد لا من جرشته ... السوس بين ثم عامت اعلومه

من خاطري والشعب شفته وعشته ... حب وولاء واخلاص حاكم وقومه

نطرح ونبحث و واول الوضع نشته ... وتانيث اسمه والمعاني ترومه

الله يعدلها .. بدمي نقشته ... لغزً اشوفه في مكاتب حكومه

----------------------------------------------