منتدى استراحات زايد - سالفة:معاريسنا قماري..قوافي

السلام عليكم ورحمة الله وبركاته
حيا الله مشرفينا الافاضل
ياهلا بأخواني وأخواتي المكشاتيه وزوار خيمتنا الغاليه
مواقفنا بالصغر لا تعد ولا تحصى وهذا موقف صار بعرس وحالفين اهل العرس ياخذون بثارهم مني بس الحمد لله نسو السالفه:s
حضرنا عرس وكانت الناس توهم يبدون بمسئلة زف المعاريس والطقاقه وراهم تصمخ اذانهم بالطار والمرواس ..
جمعو البنات الصغار من 6 إلى 8 وانا معهم على ساس نمشي قدام المعاريس والتصفيف صار على ان كل ثنتين طول بعض يمسكون شموع عيت تولع وانا اطولهم فقررو جبران لخاطري يعطونن مدخنه وبه طن عود:D بغيت اموت انقطع الاكسجين:D وأمشي اول وحده
مشا الركب والحدث المهيب ونزلو المعاريس من الغرفه فوق وحنا قدام والطقاقه وراهم تعلن نزول المعاريس لبطن الحوش :) وتغرد بأعلى ما عطاها ربي من طولة لسان :)
ألين هنا وكلش زين قعدو على كرسي من اللي يتصفط كان بمقام كنبات المطلق الحين:good2: وحنا مصدقين انفسنا صافينا على الارض وبرضه انا قدام تقل شحاذات يحترون رزق:eek:
ما ودي اقولها لكن العروس كانت شينه والمعرس كذالك وانا جان احباط كنت ابي مثل اللي بالتلفزيون ذولا شيون:( المهم يوم جو بيروحون لبيتهم قالو يالله يالله امشو قدامهم الين باب الشارع بيروحون :good:
مشينا والمدخنه تعثور بوجهي واللي وراي خوات المعرس يولعون الشمعات الابيات للبنات وبرضه عيت تولع :mad:بصراحه انا ربطت مابين شينهم ورفض الشمعه للتوليع:D
ومشو واشتغلو الطقاقات ويوم قالو:
قمري شل بنتنا ..قمري شلها وراح
وطنقق طنقق
يوم ضحكت حسيت اني انشليت وتنثرت المدخنه طاحت :f
وقعدت لهم بالارض وعجزت اقوم كل ما ألتفت
قمري اي قمري الله يرحم الحال
استبعدون من فريق الزفه وكملو
قمري شل بنتنا ..قمري شلها وراح
تحياتي
اختكم
..قوافي..