|
راعي العجراء والفار المتجمد الشمالي السلام عليكم ورحمة الله وبركاته اليكم هذه السالفه بعنوان راعي العجراء والفار المتجمد الشمالي قبل حوالي ثلاث سنين كنت في رحله بريه في الشتاء(مقناص) وكان الجو بارد جدا من البرد الدله بجنب النار تنتفض من البرد وصار عنده التهاب بالقصبه الهوائيه والنجر ماغير يهدر مع هذا البرد تقول هرش يدور فلة الحجاج مع هالبراد المهم تعشيناء وعينا من الله خير وفلينا فرشناء ندور النوم والهجه من هالبرد اللي يقص المسمار ويقوم اخوكم راعي العجراء ويفل فراشه الجراب وارد بقشان ثمانيه كاندس جنط 20 عريض وانا اندعس بوسط هالفريش ويازين الدفىء ياالله من فضلك يوم حسيت بالدفى شوي الا وحس بشي تحت رجليني يتحرك قلت اللي يصير يصير طلعه من هالفراش يفتح الله وانا اتحسس الامر برجولي الا وتصير فاره داخلتن بالفراش تدور الدفى مثلي متجمده من البرد قلت ياهلا وسهلا بالغلا كله هذي الساعة المباركه نبي ناخذ اجرك هذه الليله الحين تدفين وتدبخينه نومه ماتقومين منها الا العصر متى يحصلك هالدفىء والفراش بيشيلني انا ونتي وان بغيتي تطلعين على راحتك دوري على مطلاع اما انا يفتح الله اطلع للبراد والمستاذي يرحل الضعيفه دورت لها مخراج بس مالقت شوي يوم بدت تحوس وتدوس تحت رجليني اثاريها تدور مخرج طواري تبي الفكه وين انتي يالسلامه المهم غفت العين وخليتها على مطامرها تحت الرجلين ونمت ويوم صار الصباح وانا اصحى واتذكر الفاره قلت الحين ابلقاها مكبرة الوساده بس لازم اطوي فراشي ياولد اصحيها والا اخليها شوي تنبسط ماكل ليله عيد متى يحصلها مثل هالفراش الثمانيه كاندس قلت اجل خلني اتقهوى وقبل مانمشي اصحيها وصبحها بالخير واطلب منها السموحه نبي نشد ندور الصيد يوم اخذت نصف ساعه وانا افتح سحاب الفراش وادور عليها الا وهذي هي قلت ماصحيتي من النوم ولا تحركت اقلبها يمين يسار الا والضعيفه ميته قبل ثلاث ساعات تقريبا وش اسباب موتها مدري انا مادعست عليها جسمها سليم مافيها اثر ضربات ولا مخوش بس هناك سر في موتها وماتت وسر موتها معها ولا تسالوني عن سبب موتها انا مثلكم مدري انتهت السالفه وارجوا اني ماطولت عليكم بالسالفه فالمعذره منكم وقبل الختام سبحانك اللهم وبحمدك لا اله الاانت استغفرك اللهم واتوب اليك ودمتم بحفظ الرحمن وتقبلوا تحياتي , http://www.qatar-photo.com/gallery/data/653/MG_0412.jpg |
| الساعة الآن 05:51 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir