|
انزال ليلي للكوماندوز ذراع الذيب والخلاوي في تعقب وخدج البيتي الارهابي السلام عليكم ورحمة الله وبركاته موضوع طريف وفيه الفايده للجميع خاصه اللي مثلي طول الله عماركم بالايمان كنا قانصين مكان حروه حباره ومشهور للجميع بين الوجه وضباء مع رجال مناعير شرواكم العصير هدينا علي حمام وطيري حيزوم الهداد له اللحين وبسم الله استودعك الله الذي لا تضيع ودائعه ثم عطيته دقاق المحابيل وكنا هادين ماهناك بعاده عن عزبة غنم لانه كان افضل مكان للهداد بالمقارنه بغيره والطير ماكان مجرود زين قام يطرد ولا قصر والحمامه بريه عاصيه وشوي ولا عقاب محول يبي الحمامه واللحين الحمامه وصلت عزبة الغنم بس والعقاب حاول يعلقها لكنها زبنت وحيزوم شاف الغنم خاف يدخل معها ووقع جنب العزبه ويجي الله يعزكم حارس الغنم ويتجه للطير وما قصر صاحب الغنم والاخوان ضايقوه وكفخ الطير ووقع بالجهه الثانيه من العزبه وعطيناه الحمامه بعد تنتيفها واخذها وعلف منها جيت كالعاده ابي انتفله ولا الطير قام يكفخ وكل ما اجيه يكفخ ماهي عاده له والله وخليناه يعلف شوي ثم اتجهناله شوي شوي حتي تم التعامل معه وربط سبوقه بالوكر وتجهنا مكان مناسب وبيتنا واصبحنا بالخير وقنصنا لكن مالله رزقنا والعصر بدينا هداد علي حمام والله كان علينا هوا متوسط والجبال ماهي بعيده بالحيل لكن المهم ونهد ويطرد حيزوم مطراد طيب وراها الين دخلو بين الجبال ونتجه وما قصر ذراع الذيب اتجه الي قمة جبل صغير ويدربل ونا معي الجهاز واشغله ولا الجهاز يدق قريب وشوي ونحصله صايد واستانست كنت اقول خلاص ممكن ماعاد اشوفه خاصه وانه ورا الضلعان لكني مستودعه الله واقرب منه ولا يكفخ وتجه بالحمامه بين الضلعان ويدرق عننا ونتجه بالجهاز ونلقاه واربط حمامه حيه واتجهله واعطيها اياه مابيني وبينه الا ٢ متر ويكفخ واللحين خلاص ارتبكنا الشمس غابت والمغرب حل يا السواقي سبر الطير وقال انا معه اتجه للضلع الثاني المقابل وانتجه بالجهاز ويدق قريب وادور يارجال خلاص ماعاد نشوف الا الخلاوي قال لا احد ايتكلم عساه يصدر صوت الا شوي اعطانا صيحه بسيطه واشوفه واوريه الكوماندز ذراع الذيب والخلاوي واتجهله الخلاوي بكل حذر لكن قاله ماتمشي علي ويكفخ انا اللحين قلت خلاص هذي كانت اخر فرصه لنا وضاعت لانه اتجه في جبل خلف هذا الجبل ولا ندري وينه وقامنا نتشاور مع الكوماندز وقالو خلاص اذا لقيناه ماعاد فيه الا الخدج وسيله قلنا تم اللحين اظلم علينا الليل مانشوف دربنا وينزل الكوماندز ذراع الذيب والخلاوي يحضرون ادوات القبض بالارهابي وهي المخدجه والكشاف ثم اتجهنا نرقا الضلع تقول ندور بدون يالله يالله نشوف الدرب خايفين نشغل النور يكفخ ونتجه مع الجهاز علي الموجه الطويله الي ان تقوي نحول علي الوسط الي تقوي نحول علي القريبه وبعد ما دق عليها ونبدي ولاه بيننا وبينه حده بس والان فوق الضلع ديبان وعقارب ماتنشاف لوانها جنبنا المهم ويجهز الخلاوي المخدجه وذراع الذيب معه النور يوجهه علي الطير ويمشي الخلاوي ورا ذراع الذيب حتي لما قربناه ونا علي اعصابي خلاص بردت مره ويرمي المخدجه الخلاوي وتقصر عنه فتر واحد تقريبا ويكفخ حيزوم قلت للكوماندز خلاص يارجال خلونا ننزل ونصبح واذا اراد الله نحصله واذا غدي مالنا حيله قالوا مالك لوا الليله نخدجه يارجال اسمعوا كلامي قالو ابد ازهلها ان شاء الله الليله يبات علي وكره قلت زين قالو بس وجه الجهاز واوجه الجهاز ومن ضلع للثاني حتي دقت الاشاره القريبه قال الخلاوي المخدجه هذي صغيره ابنزل واجيب الكبيره اللي مع السواقي قلنا تم واتجه والطير تحتنا مانقدر نهرج ولا نتحرك ويجي الخلاوي ويضبط المخدجه وذراع الذيب يوجه النور والله اللي يشوفهم يقول انهم بيمسكون ارهابي يمشون في الثانيه واحد ملي وحانت الساعه المنتظره ويعطي اشاره الخلاوي حتي يوخر عنه ذراع الذيب قليل وبس ويعطي الطير المخدجه وتفرش عليه وينقز عليه الخلاوي ويمهده تقول خدجنا وحش والكل يبارك مبارك العقلان يابو سيف عزالله ماقصروا الاخوان الكل تعب معي لكن كانت ليله كلها مغامرات وبدا العتاب من محب لحبيبه مني لحيزوم اها ياحيزوم ليه تتعبنا معك ويش جاك مني مفضلك علي كل طيوري والهداد اوله لك كنه يقلي لا تلومني السبب اللي سار امس لكن ابشر ما اعودها ونزلنا وكلنا فرح كن الطير لكل واحد منا وانا اشهد انه يفدا الوجيه الطيبه وهذه القصه وفيها من العبر الكثير ومن هذا المنبر اشكر الكوماندوز والسواقي والسلمي ماجد واقلهم ماقصرتم سامحوني اتعبتكم معي |
| الساعة الآن 06:24 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir