#poem_4f765f096e7f2 td {font-family: Tahoma, Verdana, Arial, Helvetica, sans-serif;font-size: medium;font-weight: bold;} متولع(ن) بالصيد مانيب تايب هذا هوا نفسي وشفي والاوناس افرح الى قمنا نشد الركايب واحرص على اللي خوته ترفع الراس اللي معي يفرح ولاهوب غايب وافرح بهم جنبي على قوة الباس نبي الرفاقه من ربوع(ن) حبايب واهل الردى منا بعيدين الارماس نبي نعيد ايام ذيك العجايب نذكر مقانيص(ن) ولاهي مع الناس نفرح الى طحنا بأثاري اللعايب نسحب سحيبتنا ولو كان تنداس نفرح الى صفت ومابه هبايب تاطى سحيبتنا وهذا هو الساس ومن خلفها القصاص والحال طايب يقصها قصاصها مبعد الياس يقصها بركود مابه طلايب ما أحد(ن) يعكر له مزاجه والاحساس والطير عندي له علوم(ن) طرايب اطرب على هده والافعال نوماس يطلع وطلعه للحباري مصايب يفعل فعل مايفعله كل قرناس