منتدى استراحات زايد - صيد راس تنوره الخميس 29/03/2012

السلام عليكم

اشتذنا لمحدقنا الحبيب كورنيش راس تنوره (جعيمه)

نخش عالتقرير عالسريع

الموقع: كورنيش راس تنوره بجانب القصر
حالة الجو: هوا متوسط , موج قوي نوعا ما
حالة البحر: ثبره (جزر)

أدوات وتفصيل الصيد:

1-قصبة جي ام شي 4.5 متر , مكينة بانكس 5000 , خيط 60 بيق قيم مضغوط , بلد خراري 3 حر , ميدار ابو ثلاث مقاص متوسط (مدري وش اسمه عند الحدّاقه) الترديعه شكّه .. بلد فوق وميدار تحت مشكوك فيه سلس ,

الصيد: دويلمي

2-قصبة كروبر (هاموره) 3.5 متر , مكينة بانكس 4000 , خيط 40 ايطالي , بلد مقاس 2 , ميدار مقاس 12 معكوف, الترديعه عاديه .. البلد تحت وميدارين فوق , الطعم ربيان حجم كبير ممقطّع قطع كبيره

الصيد : عريضي حجم كبير

3- قصبة موستانق 2.8 متر, المكينه بانكس 2000 (خربانه .. هذا اخر يوم لها يمقن) الخيط 30 دايوا , ميدار مقاس 12-14 معطوف , الترديعه مثل اللي قبلها , الطعم ربيان قطع صغيره

الصيد: ضلعه (لحلاحه) صغيره

طبعا الطريف في الموضوع صيدة الدويلي إذ لم يكن في الحسبان ... كنا عزمنا عالمشي .. وانا اسحب السناره .. شدّت معاي بقوه .. اسحب واسحب .. واذا بهالمجرم شاك في السلس ... فطرى على بالي ابي اجرب ألفح في هالمكان اذا الله كتب لنا عمر.

سوري عالاطاله وهاكم كم صوره عالطاير

http://a4.sphotos.ak.fbcdn.net/hphot...48453818_n.jpg

http://a8.sphotos.ak.fbcdn.net/hphot...82735343_n.jpg

هالمره بو جابر ما كان معانا .. بس حلف علي الا يصور مع الباركودا

http://a2.sphotos.ak.fbcdn.net/hphot...38850651_n.jpg

وعذرونا عالاطاله وقلة الصور