منتدى استراحات زايد - أزعل اذا لغزي منوم على الشط !!!

بسم الله الرحمن الرحيم

السلام عليكم ورحمة الله وبركاته

رساله خاصه من محب :-

يا خيمة الألغاز بأرسل لكم خط /وممشاي واضح كاش ماهو بتسليف

ازعل اذا لغزي منوم على الشط /مثل التعب لا صار مابه مخاليف

يشجع الشاعر تجاوب ويقلط /على سمان الهرج واللاش تعليف

كم واحدً قبلي ببدعه تسلط / قفى وخلنا وراحت سواليف

الغز له رمعه بها دوم ينشط / يحبها حب العرب للمواليف

يشوش راس الحر والذيب الامعط / لا حافته شرؤاه معهم مشاليف

وان قصر الطارح وقام ايتمغط / يرفع ويقلع في عداد المذاليف

ندخل على استحياء دخلت مفحط / واسم العضو مخفي وحاضر بتغليف

انتم شرف والنا الشرف ما نخلبط / متحزمين بالمراجال ماهو ليف

من خاطري جتكم ولا احدً توسط /في نقلها صادق ولا هو بتوليف

للمشرفين ومن معاهم يخطط / ما ينجح الموقع مجامل وتحليف

نحضر واذا جاء الضيف ماراح محبط / يلقاء معازيبه ولا فيه تكليف

وبياض عذري ما وصلكم منقط / من مخلصً ماشاف عسرً وتصليف