محاوله للربط بدري من ابو امين وتدخل (و . ا . ا )
 

السلام عليكم ورحمه الله وبركاته وبعد
من يوم ما قالوا سهيل دخل وأنا ادور على الكروان طحت في واحد أول الوقت وهديت عليه وعلقه حشاشه قلبي عياف طبعا حصل هرج ومرج واستانست وتجددت الهمه

http://www.mekshat.com/pix/upload03/...80854_hhgj.jpg
وعليها الين شهر 12 والحبارى شوف العين وهد ولاتهد واهد طيري عليها بدون ريشه ولا اي شئ يعني ربشه بدون اي تفكير والحمدلله جات سليمه وصادها المبروك بس كاد ان
يروح غلطه كيف؟؟؟؟؟؟؟؟؟؟؟؟؟ ابو الشباب يلحقها ويرددها جو وتوقع على الأرض ويكتف عليها ويدعسها ويدعس معها حصاه والله ولا حصل تصوير ولا شئ على طول
دقيت سلف ومستشفى الطيور سريعي والحمد لله ماجاه شئ .
بعدها ماشفت شئ وتمر الليالي والأيام ولا شئ اقنص لحالي ولاشئ اقنص مع اخوياي نفس الحاجه ولاشئ ومن ملل في ملل فكرة في الربطه عدة مرات الى أن حصل ماحصل
http://www.mekshat.com/pix/upload03/...k80854_ksl.jpg
ابو أمين يناجي الناقه: بالله يالناقه ماطيرتي شئ هذا اليوم من الحرمل الي وراك
http://www.mekshat.com/pix/upload03/...k80854_hff.jpg
يالله متى الفرج
http://www.mekshat.com/pix/upload03/...k80854_sss.jpg
نور الأمل
http://www.mekshat.com/pix/upload03/...80854_dfdf.jpg
يالله لا ضاقت الدنيا عليك الفرج
http://www.mekshat.com/pix/upload03/...0854_azzsd.jpg
لا تعليييييييييييييييييييييييق
Spical krwan unit (وحده الكروان الخاصه )
فرقه من الناس تحب الكروان حبا جما له نكه خاص عندهم الحبارى ولاشئ عندهم الحبارى امام الكروان لان هدد الكروان غير أما الحبارى يا في الأرض ولا عاصيه ماتنرد المهم
رئيس المنظمه هذي العضو راعي فاروق وشعاره الأول : اقشطــــــــــــــــــــــــــــــــــــــــــــــ ـــــــــــــــه ودور غيره
دقيت عليه : السلام عليكم
وعليكم السلام
لو سمحة حبيت استفسر وشلون انضم اليكم ووش هي الشروط
معك جيب؟
نعم
معك طير؟
نعم
زين الشروط كالتالي
1- لاللملل
2- لالتعب
3- ماكتبه الله بجيك
4- لا ترعل من التلحيق
5- القومه بدري قبل صلاه الفجر وخلك نشمي ونشيط
سم طال عمرك
الوعد اليوم الساعه 10 بالليل
نسري بالليل؟
نعم
انتهت المكالمه
مشينا ووصلنا موقع المقناص وقاعدين ندور محل نمرح فيه الا يوم خوينا دعس للموتر وانا وراه وفجأة برييييييييييييييييييييك وطفا النور وش السالفه؟
السالفه وما فيها داهمنا كروان وهو يعشي لكنه لاذ بالفرار
نمنا واصبحنا وقمنا ندوج والجره مافي محل مافيه جره دايسه الارض دوس وقفنا وصلحنا الغداء كبسه مستحيل اكل مثلها في حياتي بس مشكلتها انها تعلقك ماتشبع
تفرقنا كل واحد في وجهه خالفت واحد من الشروط الا وهو الملل يوم جات الساعه خمس العصر الا والجهاز ينادي
يا بو داحم يابوداحم
هلا هلا
ابشربه
مايخالف دور غيرها
لا والله ابشربه
طيب طيب
اقول خذ الاحداثيه وتعال
انتهت المحادثه
انا يوم سمعت احداثيه وانا انخرش وامغط الجيب الين وصلت يوم قالي راعي فاروق
تشوف ابو الشباب وخويه
لا
يابن الناس دقق
لا يا اخي مااشوف
خلاص طيب انا بهد على الأول وجهز طيرك عشان الثاني
يوم طيره ويعرضه جير شاهين فالكون سنتر ماشااااااااااااااء الله تبارك الرحمن ساعة ما قفا والا هي رادته علينا ومعلقته
ماشاء الله ونجي الثاني واحول على رجلي ونطيره واعرض طيري جير من حر نيك فوكس والكوران اول ماشاف الطير ويضرب بعمره الأرض وينشه في الأرض وكل ما اخطاه وهو ياخذ من ذا الحرمل هههههههههههه
ويكرسه في الأرض وتجي الوناسه صح والي كملها جونا اخويانا وطارحين ثلاثه وكلها كبسه ولا اروع وتطيب النفس وصدنا عدد لابأس به واسمح انا من المقناص واربط والله على الربطه يعين الصقاقير
http://www.mekshat.com/pix/upload03/...k80854_lkd.jpg
أبو أمين فرحااااااااااااااااااااااااااااااااااااااااااااااا اااان والله مايقص راسه سيفين ذاك الوقت
http://www.mekshat.com/pix/upload03/...0854_kdkdk.jpg
امداد وما ادراك ما امداد ماشاء الله تبارك الرحمن
شاكر لمروركم مسبقا والسلام خير ختام