منتدى استراحات زايد - سالفة: ربوع بلادي..قوافي

السلام عليكم ورحمة الله وبركاته
حياكم الله جميعاً اخواني المشرفين
وياهلابكم أخواني وأخواتي الاعضاء
ويامرحبا بزوار خيمتنا الغاليه
منذ مبطي كان فيه برنامج يجي بالتلفزيون اسمه ربوع بلادي وهو على ما أذكر كان يتكلم عن مناطق مملكتي الحبيبه لا خلا ولاعدم..والبرنامج يبدا بفرعون(سياره صالون) مليانه للنخاع بزارين وفي كل حلقه من البرنامج يزورون منطقه ويتعرفون عليها..
الصراحه كان برنامج شيق وانا من اشد المعجبين به وحببني بدراسة مادة الجغرافيا لأعرف المزيد والمزيد..
كل عام وقبل انتهاء العام الدراسي يصير فيه حفل لأختتام العام الدراسي والانشطه المنهجيه واللا منهجيه ويسمى مجلس الامهات
يبدى التحضير للحفل ويكون فيه نشيد ومسرحيات واشياء اخرى تبدئ بكتاب الله الكريم..
طلبت المعلمه نحضر موضوع عن المملكه ونسويه مسرحيه وفكرنا بأن نسوي مثل برنامج بدينا بالتدريب وطبعاً المسرح من خشب وتصليح أي كلام وكانت فقرتنا أخر شي ولو بيدي حطيتها ثاني شي..
بدت المسرحيه وطلع جيش من المعلمات للتصفيق والتشجيع على المنصه وطلعو البنات وانا منهم وبدينا نتكلم عن ربوع المملكه ومناطقها وكل بنت تتكلم عن منطقه معينه والمسجل يشتغل
@ربوع بلادي علينا بتنادي ..تقول تعالوشوفوني يااولادي@
بلادي بلادي بلادي
يوم قال المسرح دربوووووم :d:d
وصراخ وحوسه صرنا طبقات تحت الخشب والمسجل يغني لين الحين:

@ربوع بلادي علينا بتنادي ..تقول تعالوشوفوني يااولادي@

بلادي بلادي بلادي

:d:d اي بلادي

صارت قبور بلادي :d:d المهم طلعنا من الخندق اللي طحنا فيه وذا لين الحين يغرد ..تحياتي
اختكم
..قوافي..