مشكلة في سيارة المشاكل اكسبلورر
 

السلام عليكم ورحمة الله وبركاتة
انا معي اكسبلورر 2007xlt دبل سعودي
ماشي 181 الف
طبعا صارت معي مشاكل ودون مبالغة كلفتني بحدود 25 الف
لدرجة كرهي للاكسبلورر طبعا على فترات مختلفة

المهم أخر هذي المشاكل
السيارة اذا شغلتها تقريبا بعد خمس دقائق تطفيء
في بعض المرات
واذا صرت امشي مسرع وجيت خففت السرعة لفه او عند مطب تطفيء
المهم عندي لمبة الماكينة شغالة طبعا بالحفر ماعندنا وكالة بس قطع غيار وتوهم فاتحين
المهم فحصت السيارة قالوا لي حساسات العادم والشكمان غيرتهم بحدود 700 ريال
رجعت اللمبة شغاله مره ثانية فحصتها قالوا لي
دبات القزوز رحت لقطع غيار الوكالة قالوا لي طلبية وبحدود 5000 ريال
السؤال هل العطل في دبات القزوز هو اللي يطفيء السيارة عند تخفيف السرعة في بعض الحالات
مع العلم اذا كنت ماسك خط ومسرع كل شيء اوكي

واذا كان هالعطل ماهو سببه دبات القزوز وش راح يكون السبب
لان العام تعطلت معي السيارة وبسبب عدم تواجد عندنا وكالة كلفتني 7000 ريال
ودون نتيجة وبالاخير وديتها للرياض وعند حسين نور الباكستاني بالصناعية القديمة
قال لي كمبيوتر وجبت له من التشليح وكلفتني بس 1800 ريال تصليح وبعدها زي العسل