++ شبة ضو وقهوه وفطور بالرميلات والغدا في خوابي التنهات ++ ..... زايــ ابومحمد ـــد أيها الإخوة والاخوات الاعزاء ..... اهلا ومرحباً وأسعد الله اوقاتكم بكل خير ,, وحياكم الله مشرفينا الموقرين وأخواني وأخواتي الأعضاء ,, وضيوفنا الزوّار -- هالكشته الخميس الماضي برفقة الابن عبدالله والمصور ثالثنا وكان التحرك بعد الفجر ثم الوقوف بالرميلات عند الخفس والقهوه والفطور - ثم التحرك للتنهات ----- ونبدا بهالقصيده لمن يحب الشعر -- ياكثرهم .. لا قلت لك .. عرفة وجيه ------ وياقلهم .. لا قلت .. قـدر ومعـزه رجلٍ .. تعزه بعد ماتلتقـي .. فيـه-------- ورجلٍ .. قبل ماتلتقي بـه .. تعـزه ورجلٍ .. ترزه بالمجالـس مباديـه -------- ورجلٍ .. فلوسه بالمجالـس تـرزه ورجلٍ .. يموت ولا يجيبون طاريـه ------- ورجل ٍ .. يجي طاريه في كل حـزه ورجلٍ يهزه .. بعض موقف ويشقيه ------ ورجلٍ .. مهوب أيّات موقف يهـزه ورجلٍ .. ضعيف .. ويستفزه معاديه ------- ورجلٍ .. كلام اعداه مايستفـزه ورجلٍ .. تلزه يعترف لك .. بخافيه ------ ورجلٍ .. على خافيه .. محدٍ يلـزه ورجلٍ .. يوزونه .. ويزعل بنيخيـه ------ ورجلٍ .. يزعّل من يحاول ، يـوزه ورجلٍ تكزه لا زم انك توصيه ---------- ورجلٍ .. بليّا ما توصيـه .. كـزه من لا فرش للمرجله ماتغطيه -------- ومن لايخز .. الناس .. محدٍ يخـزه الشاعر / خلف المشعان ابوعابد يشب الضو ونشب على القهوه والارض ممطوره وبهرنا دلتنا وتناول قرطوع من القهوه والشمس خلف الغيم (كانها قمر ) والفطور كبده ونبدا بالفطور ماشاء الله بعض صور الربيع بالنفود بداية التنهات ,, والجو مضبضب يتبع ............. |
الساعة الآن 07:07 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir