السلام عليكم ورحمة الله وبركاته

البارحة كان عندنا عشاء مع الشباب وجبنا ذاك التويس الي يحبه قلبك

خلونا من هذا الحين

خوينا كان جايب محنذ وأول مره وقال سويه حنيذ وأنا هذه تجربتي الاولى

ولعنا الحطب وبعد ما خنت النار وجمر حطيت الشبك وحطيت المرخ
ثم الرأس ثم اللحم بالترتيب مع عزل كل طبقة بالمرخ وأخر شي العصيب والكبده
وكان المحنذ كأنه مفصل على قد التيس الي معانا

مع الملاحظة إن الرز سويناه خارج المحنذ

وضعنا القصدير ثم الغطاء الصغير ثم الغطاء الكبير ثم خيشة مبلوله ثم حجر على الغطاء

وخليته ساعتين إلى ربع :):)

يوم فتحت عنه
:eek:

اللحم ماهو مستوي زين :eek: والجمر طافي :eek:

والشايب ( الوالد الله يطول في عمره ) ما قصر زفني زف :(

أضطرية إني أطلع اللحم وأحطه بقدرين 2 ضغط لمدة ساعة

بس الحمد لله نكهة المرخ موجودة وبعد ما خرجته من الضغط كان :good:
100\100

السؤال الله لا يهنكم

ليه ما أستوى اللحم ؟؟

هل الحطب كان قليل أو نوعيته ماهي جيدة ؟؟
مع العلم إني حطيت تقريباً 12 عود بس صغيرة

هل السبب هو إن المحنذ كان مليان جداً ( اللحم كثير ) ؟؟

هل بسبب إن الشحم كان هو السبب في إن الجمر يطفي ؟؟


ياليت الي عنده خبره يرد علي حتى ما تتكرر نفس الغلطة

!!!!!