منتدى استراحات زايد - هبل بي التصوير (مكرم الضيف)

السلام عليكم ورحمة الله وبركاته

كان لي شرف التنقل بين بعض أقسام مكشات مثل قسم التصوير وغيره التزود بخبرات من هم هناك. ولكن الاصل عندي هو قسم القصائد. وحيث ان التصوير هواية احببتها من أيام الشباب . فان زيارتي لقسم التصوير ودماثة خلق الاخوان والاخوات هناك .ودماث اخلاقكم جميعا. جعلني ارجع الى تلك الهواية وفتح شنط التصوير .والعوده لهذه الهواية المحببه عندي.
سلام مني لاهل قسم القصايد*** ولكل قسم وعضو واخص الاشراف
دشيت مع اهل الصور بالجدايد***كل صورتن تنزل بنجمه مع هتاف
وصدقت اني مصور وقمت اهابد***من فجر ربي لين مالنور هكاف
واللي بعمري وصل حد التقاعد***وقت الفراغ يمره اصناف واصناف
قطعت من نومي لبوس الوسايد*** وغيرت لي فرشن جديدن مع لحاف
وهبل بي التصوير بالليل قاعد***اخذ صور بالنوم من حلم بي طاف
حتى قصيدي قام ينعا الفرايد***يقول وينه راع الابداع والقاف
وين الذي دايم حروفه جدايد*** قولن عسى طيب وماصابه خلاف
قالن ترى شفناه يحمل حدايد***مع عدة التصوير من فوق الاكتاف
نسي الشعر عساه يرجع بفايد***والا ترى التصوير والشعر احلاف
احيان في قسم السوالف يعاود***يقرب من الموروث من شان ينشاف
وما دامه ابمكشات الخير واجد ***اقسام فيها كل علم ولطايف

وسلامتكم