حلو حالي
 

السلام عليكم ورحمة الله وبركاته

السالفة

هذا رجال شروى من يقرا راعي خير وكريم أشتراله تمر من أجود التمور وكان التمر يعتبر وجبة رئيسية للبدوي

زمان أول

المهم جاب التمر للبيت وطلب من حرمته توزع منه جانب على جيرانها ومن قسم له الله نصيب

رحبت الحرمة وقالت له أبشر

بعد ما طلع زوجها قامت بنت الاجواد وفكت الكيس كيس التمر

ويوم ذااقت التمر إلا وإنه من أجود التمور

من حلاوته قامت تترنح. هذي من عندي الله يستر علينا وعليها ما شفتها

المهم يوم عود زوجها وهو يلاقيها مقابلة كيس التمر وتهوبل

حلو حالي وربه فيه ،،، يلعن أم اللي تعطيه

ضحك عليها

وقام وزع تمره بنفسه وترك المرة في نشوتها

حلوة ذيك الأيام

الله يحلي أيامكم بالسعادة وسعة الصدر

ملاحظة : الرب هو الدبس