منتدى استراحات زايد - سالفة:غزيل تخطب لعبيد..قوافي

السلام عليكم ورحمة الله وبركاته
حيا الله مشرفينا
ياهلا بأخواني واخواتي المكشاتيه
يامرحبا بزوار خيمة سوالفنا
زمن اخطب لولدك عشان يعقل وحطه بكبد بنت الناس سمعت عنه بسالفة غزيل وهي تخطب لولدها عبيد المخفوف:s
غزيل حرمه مصليه مزكيه راعية مواجيب يحبونها جيرانها ويحبون طبخاتها اللي ترسلها لهم مع ولدها الوحيدعبيد المخفوف:D
ابو عبيد كان مذن المسجد ومات بحادث دعس من كم سنه وهو طالع من المسجد:l
عبيد المخفوف ولدهم كل النهار يلاحق البساس والكلاب ويضربهم بالحصيان ويتعلق بالمواتر ويسرق من الخباز والبقاله ويجون يعلمون أمه وهي تضربوه وتدفع ويتعلق بسيارة الفليت ولا يوخر إلا بعد ما يدوخ من الفليت ويطيح طيحان مثل الذباب لين انبخ بفليت:):) ويضرب البزران وباخذ حلاوتهم:eek:
عبيد المخفوف مهوب صغير بـبداية العشرين بس شياطينه ماعقلت ولا ركدت..
تعرف على شله من الشباب اللي يطقون طبول وبهاك الايام عيب كبير الطق .. الناس اكثرهم ما عندهم إلا رادو وما جابوتلفزيون عشان الرجال اللي يقرون الاخبار بالتلفزيون ما يتكشفون على الحريم وقليل من حاط تلفزيون..
وهو واصدقاه كلهم ما يشتغلون داجين من طبل لطبل وصارو كل النهار بها المجلس
وعلى هالحال الين ملت غزيل كل يوم طق وطبخ وعشيات
وصجه ولجه ماتعرف تهجد ولا تنام لا هي ولا الجيران اللي متحملينه إكرام ًلبوه وأمه الطيبه..
قررت غزيل تخطب لمخفوفها عبيد لعله يركد وبدت عملية الكر والفر والبحث عن عروس تقبل بعبيد:)
راحت لاقربائها تخطب ورفضو.. للجيران ورفضو.. ما خلت بيت تعرفه ما طقت بابه إلا ويرفض ولين فيه بشارعهم معلمة مدرسه ابتدائي وعندها بنيه حليله وراحت ام عبيد وطقت الباب
واول ما فتحت افمه هي حتست ولا ما حتست ردة عليها الام:
ايه اايــــه
أومي أومي أومي يـــــــــــــختي ايه ابنك القربوع ابو طبله ده ؟؟؟؟ أنه اديكي بنتي للأهبل بتاعك :mad::mad:
شوي وتضربه بالنعله:(
زعلت ام عبيد
وراحت غزيل يوم دخلت البيت ولا البيت كالعاده مليان ويوم طلت بالمجلس ولا هذا مخفوفه حالقن اقرع من زين الخشه واصدقاه قاعدين اللي شوشتوه وش كبره تسنه طلحه واللي وجهه تقل جرذي سنونه برا وقاعدين كالعاده طق لاتطق:eek:
دخلت ام عبيد عليهم وهي تلعن اليوم اللي طلعوبه على وجه الارض واولهم عبيد وفصخت تكرمون نعلته وبدت ..طرخ طرخ طرخ.. على صقعة كل واحد وانحاشو وامسكي عبيد وصبخيه زود بطبوله دبم دبم وفقعتهن كلهن على جبهته وهي منقهره تقوله انا غزيل تقولي:
أومي ايه ابنك القربوع ابو طبله

تحياتي
اختكم
..قوافي..