منتدى استراحات زايد - قــصه الشايب اللي سكر عليه الكهف

السلام عليكم ورحمه الله وبركاته

كان هناك رجل انعم الله عليه بالمال والحلال وكان يحب ان يتصدق على الفقراء والمساكين

فكان عنده نياق كثيره ودايم يحلب النياق ويوزع على الفقراء والمساكين وكان يهدي من لم يملك مالا ولا حلال بعض من نوقه يعني يجيه رجال ضعيف يطلبه مايرده يقول خذ من الحلال اللي تبي المهم ماطول عليكم كان عند هالرجال سلوقي اعزكم الله وكان يحب المقناص المهــم راح مره يقنص لحاله ومعاه السلوقي ودخل كهف وطاحت حصاه كبيره وسكرت الكهف وانحبس الرجال داخل الكهف

المكان كان بعيد عن الناس وذهبوا ابناءه للبحث عنه دون جدوا استغرق بحثهم اكثر من شهر وظنوا بان ابوهم مات وابوهم كان محبوس داخل الكهف كان مامعه لا ماء ولا طعام كان كل مايقوم يلقى قدح من اللبن لا يعلم من وين يجيه ويشرب وينام وكل ماشرب من القدح وصد عنه لقاه مليان واستمر على هالحال تقريبا اكثر من شهرين وقاموا اولاده باسترجاع عطايا ابوهم من الناس لان ابوهم كان يتصدق على الناس ويعطيهم نياق وحلال فقالوا اولاده نبي نرجع حلال ابونا
ورجعوا كل شي اهداه ابوهم على الناس فانقطع الحليب عن ابوهم لمده ثلاث ايام
فذهب احداهم للقنص وفجاءه شاهد السلوقي حق ابوهم بالبر لما شافه السلوقي ركض للكهف وجلس يحفر عند الصخره وقام الولد بابعاد الصخره عن الكهف ولقا ابوه داخل الكهف واستغرب الولد واخذ ابوه للبيت

وعلمهم ابوهم بالقصه وقصه قدح اللبن فقال لاولاده انا لي ثلاث ايام ياعيالي انقطع اللبن عني ماادري وش السالفه فقال واحد فيهم حنا استرجعنا عطاياك للناس النياق اللي عطيتهم رجعناها يمكن عشان رجعناها انقطع عنك اللبن
فقال الشايب ياعيالي رجعوا النياق للي عطيتهم حتى لو مت صدقتي لا تنقطع

سبحان الله وبحمده

قصه على فضل الصدقه

والسلام عليكم ورحمه الله وبركاته