منتدى استراحات زايد - سـآلفة " تسيف انت !!! "

بسم الله الرحمن الرحيــم ,,

السلام عليكم ورحمة لله وبركـآته ..

حيّـآ لله اخواني مشرفين. واعضاء . وقراء خيمة السوالف الشعبيه

رجعت لكم بعد انشغال . وطول غياب !!

وبذكر لكم سالفة صارت للوالد " الله يغفر له ويرحمه " ووالديكم وجميع المسلمين .
يقولي الوالد : وانا عمري 7 سنوآت ,, كنت جآلس مع الوالده في بيتنا في الديره .
وكـآن لها جارة صديقه عزيزه على قلبها . وتسيّر عليها يوميـآ تتقهوى معها قهوة الضحى على ماقالو ..

ومره من الايـآم قآبلتني وانا طالع , القت علي التحيه ومن ضمن التحيه كلمة شعبيه دارجة عندنا وهي (تسيف آنت ؟؟ ) !!
معناها : (( كيف حالك ))
وكنت انذآك صغير السن ولا كان الجوآب حاضر ولا اعرف ردها بالظبط
وفـآجأتني بقولة تسيف انت !
مادريت عن نفسي الا وارد عليهـآ واقول لها : آلله يتسيفنتس

ههههههههههههههههههههههه :D

وعقبها طلعت العب مع العيال عند البـآب . وبعد ما عودت وطلعت العجوز من عند الوالده .. >> وآثر العجوز علمت امي بالسالفه .:D
وسألتني الوالده : سلمت عليك ام فلان !!
وش قالت لك ووش قلت لها !!
وقلت لها الكلام اللي حصل انها سلمت علي وقالت تسيف انت ! قلت لها الله يتسيفنتس

ضحكت - الله يغفر لها ويرحمها -
والجده علمت الجد والجد علم العم ,, ورآحت ضحكه ذاك الشهــر . :p

تحيـــآتي للجميـــع . خوي مخبـآته