|
قصيدة رثاء في والدي/ خالد الضويان اخواني الاعزاء السلام عليكم ورحمة الله وبركاته قبل مايقارب الشهر وعشرون يوما تقريبا انتقل الي رحمة الله والدي خالد محمد الضويان والحمد لله على كل حال وكان لوفاته اثر كبير في حياتنا ومهما اقول عنه فلن اعبر عن ما في داخلي كما يشعر به جميع من فقد والده منكم رحمهم الله جميعا وجميع موتى المسلمين اخواني انا لست بشاعر ولاكن لي محاولات تنقصها الخبره [يعني الاخوان الشعار يسمحون لي بان اشاركهم ولا يزعلون علي ] هذه الابيات كتبتها بعد وفاة والدي اتمنى ان تجد القبول منكم في ليلــــه ماذقت انا النـــــــــوم ياهــــــيه ماطـــب في عيــــــني ولا يهـــــــــتويني انا احتري باكر ولا اعـــرف خوافـــــــيه يا واحـــــدٍ نرجـيه عـــــسرٍ و لينــــــــي جاني الخبر عــــــــجّل لعلك تلاقــــــــيه بين الرجـــــا والمــــوت حـــــاله تشيـني روحت وانا والفكر كثـــــره طـــــواريـه تلعــــب بي الافكـــــار وش يحتريـــــني تجمــعوآ عنـده ولفـــــــوآ حوالـــــــــيـه واثره من اول جــــــاهم اللي يجــــــيني احــــــدٍ يذكـره الشــــــــــهاده بأذانــــيـه وانه عــلى الاســــلام ديــنه وديـــــــني واحدٍ سجد يطـــــلب من الله ينـــــــجيه يلطف بحـــاله ارحــــــم الراحمينــــــي يــــوم اذن الـمـــــــذن ولبى ملـــــبيـه في جمــــعه قامــــت تنافـض يديـــــني فاضت بها روحه وكلــن يراعيـــــــه والــمـوت حـــــقٍ والله اللي يعــــــيـني يالله يالرحمـــن ماخــاب راجــــــــيه في جنـتك يخــــلد مـع الخالديــــــني وبعد الغسيل اخر ســــلام لناصــــــيه واخر وداع صــــار في ساعتـــــيــني حبيت انا راســـــه وحـــبيت رجلـــيه وشـــلناه للمســـــــجد على راحتــــيني وبعد الظهر صلوآ صلاته بني خيه واحبــــابه اللـــي مثلـــــهم نادريـــــني وحـــطوه في قــــبره وكلن يمـــــاريه وصـــفوآ عليه اللبن واتـــلاه طينــي وكلن يبي يشارك وماتفــعل إيـــــديه وتم الدفن والحــــــــزن خيّم يبيـــني تظلم بي الدنيا وانا اشوف ماضيه ماعــاد له حاضــــر ولا لي عويــني ضاقت بي الدنيا وانا كيف الاقــيه هـذا الـشعور اللي بدا يحتويــــــــني يالعين هلّي دمـعك اليـــــوم هــــلّيه هلّــــيه ياعينــــــي ولا ترحمـــــيني ما احــــدٍ يلوم العين ولا قـــايلٍ ليه وزيدي عليـــها دم ولو تذبيـحـيني في ســاعة مانلحـــــقك بالمــشاريه يعــجز عنه وصــفي ويندى جبيني انتي فقدتي غاليً كيــف ماابكـــيه اكبر مصــيبه مــرت اليـــوم فـــيني راح الفقيده راح مااحـــدٍ مخـــاويه عند العـــزيز برحمـــته مرتجــــيني في ذمتي ماشفت انا من يـــباريه مااحــدٍ يعوضـــك عنه لو تنتقــيني دايم على روس النوايف مرابيه فعله يبي ياضح على الحاضريني سبحان من واهبــه ســـبحان معــــطيه خصــــايلٍ تـــظهر عليه وتبـــــيني يــــــوم العزا كثـــــروا معزيـــننا فيه ياكثـر ماشافت من النــاس عــيني بآن الغلا ياابـــوي وبانت مــــواريه شفته انا في عيون ناس تجـــــيني مااحدٍ قصر رجله وقصرت خطاويه يمـــــدها عجلٍ مـــــع السابقــــيني اتمنى ان تحوز على رضاكم شعر / عبدالله الضويان |
| الساعة الآن 03:27 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir