منتدى استراحات زايد - مشكله في الفتك وما لقيت لها حل,,ارجوا المساعده لاهنتوا

السلام عليكم و رحمة الله و بركاته

يسعدني أن أكون احد أعضاء هذا المنتدى الرائع

يا جماعة الخير عندي مشكلة في باترول 2008 سوبر سفاري قير تبترونك المشكلة ما ادري من وين بالضبط السيارة ما فيها عزم بالمرة http://www.speed4ever.com/vb/images/smilies/mad.gif... المشكلة بدات من بدا تظهرلي at check كان يومض 8 مرات عند تشغيل السيارة و السيارة مشيها تكون ثقيل كانك حاطنها دبل ثقيل و ال ار بي ام ما تعدا ال 3 ولا يبدل القير يعني يتم في واحد بس من اطفي السيارة و ارد اشغلها تروح وكل شي يرد طبيعي http://www.speed4ever.com/vb/images/smilies/297.gif فصلت البطارية ورديت ركبتها راحت لفترة و رجعت المشكلة مرة ثانية بعد هذا فصلت البطارية لمدة يومين و اختفت المشكلة لكن عزم السيارة صار ثقيل كانه في شي ماسكها واذا مشيت خط طويل 80 كيلو و فوق سيارة تثقل اكثر و اذا ادوس بترول اكثر احس السيارة مخنوقة وتنكتم و تثقل اكثر...

بدلت بلكات, وغيرت الدبة الوسطانة مع ازالة دبة البيئة, و عملت وزنية ديلكو (دستربيوتر) بالمسدس وخليتها 7 و عملت فل سيرفس للسيارة (تغير زيت القير و زيت الدفريشن, تبديل فلتر البترول و فلتر الهوا) حتى اني بدلت كتاوت القير الي على طرف المكينة عند فلتر الهوا و شيكت السيارة بالكمبيوتر في الوكالة وبرع الوكالة وما طلع فيها اي شي و كلهم يقولون لي طبيعية .. طلعت مع مهندس في الوكالة تيست درايف يقول لي سيارتك ما فيها شي و طبيعية http://www.speed4ever.com/vb/images/smilies/vahidrk.gif و رديت عليه انه السيارة معاي من الوكالة و اعرف مشيها و اعرف ان السيارة فيها مشكلة بس هو مب امصدقني ولا حتى مدير الورشة النيسان (الي هو ربيعي) يقول انه فيني وسواس http://www.speed4ever.com/vb/images/smilies/t5.gif...

اتمنى من الاخوان المساعدة و ما احد يبخل علي في رايه اذا المشكله مرت عليكم و اسمحولي اذا طولت http://www.speed4ever.com/vb/images/smilies/reading.gif