منتدى استراحات زايد - فزعتكم يالرجال

السلام عليكم ,,, تكفون فزعتكم ياشباب المنتدى انسرقت سيارتي دم دم دم قلبي امس وقسم بالله مانمت ولا زوجتي وحالتي حاله لي سنين وانا اجمع واقسط وحالتي حاله اول مره بحياتي اشتري سياره جديده وانسرقت قدام عيني
سيارتي لومينا اخت الجديده بيضاء موديل 2008 ومن داخل رمادي حروف اللوحه ب ا د
نزلت للصراف بالروضه اجيب لي 200 ريال ابعطيه مغسله وانسرقت سيارتي وهي تشتغل ,,, تكفون ياجماعه دبروه لي والله مابي من راعيه ولا شي ابيه بس يوقفه عند بيتي ولا بمكان ويدق علي ولا يرسل رساله وابدعي له وزوجتي,, مارحت للدوام وولدي ماراح للمدرسه وحالتي حاله ,,

تكفون ياجماعة الربع يمكن تعرفونه ولا تشوفون السياره والله مابي منه شي بس يوقفه ومسامحه وبدعي له والله مايبقى من راتبي الا 1800 ريال اصرف على زوجتي وعيالي والباقي يروح ايجار واقساط للسياره ابحط ايميلي وتكفون يا إدارة المنتدى اسمحو لي بس ابي فزعه
[email protected]

وألف شكر والله يفرج كربكم ويفتح عليكم ابواب رزقه