منتدى استراحات زايد - تجربتي مع اللحوم المبردة وإستفسار عن لحم الحاشي المبرد (باكستاني-كشميري)

السلام عليكم ورحمة الله وبركاته

أخوكم عزوبي وجديد في الرياض
وبعد توصيات من عدة أشخاص وبعد قراءة تجارب الناس في عدة منتديات قررت إني اجرب اللحوم المبردة وفعلا جربت لحم التيس الباكستاني ولحم العجل
بالنسبة للتيس الباكستاني لقيته في الثلاجة العالمية الكيلو بـ 30 ريال
أخذت نص ذبيحة بـ 130 ريال
وهذه تجربتي بين ايديكم, عند الطبخ اخذت ساعتين ويالله وطلعت ريحة زناخة (كأنك داخل عزبة سباكين باكستانيين مكتومة اللي لو شبيت سجارة تنفجر العزبة من الريحة) ههههه سبحان الله ريحة بهائمهم مثل ريحتهم فقلت الله المستعان في ال130 ولامانع من المحاولات في تخفيف الريحة, فكثرت عليها البهارات خصوصا من اللي اسمها (الشيبة) عشان تخفي الريحة ويالله يالله غطت عليها والأكل على مضض تحس انك تاكل لحم فيل مدهون بزيت نارجين وخردل اعوذ بالله والله يكرم النعمة حتى الصدقة بيها يمكن ماتجوز.

رجعت قلت ماعاد اجربه وقلت اجرب لحم العجل يمدحونه خصوصا في المفروم, رحت ملحمة ثانية موصيين عليها توصية في مخرج 14 قريب من الثلاجة العالمية هذه المرة قلت توبة اخذ كمية كبيرة قلت له يعطيني اقل شيء للتجربة عطاني نص كيلو وجربته, اللحم استوا بسرعة لأنه مفروم ولكن هذه المرة كانت ريحتها وطعمها خليط مابين ريحة باكستانية وريحة كيماوي والنكهة ماهي نكهة لحم اساسا, كانت النكهة قريبة من المفروم المجمد ابو ريالين استغفر الله هذه المرة ماقدرت اكل وطشيت الطبخة بالكامل, فقلت توبة اشتري مبرد, بعدها رحت اشتريت لحم حاشي من ملحمة ثانية الكيلو بـ 35 فرق السعر كبير طبعا والنكهة ماشاء الله مايحتاج الحاشي البلدي الطازج ولكن السعر مرتفع ورجعت له ثاني مرة رفع السعر لـ40 ذهب هذا مب لحم كل يوم يزيد 5 ريال بكرة تجي تلقى الكيلو بسعر ذبيحة!! الله المستعان عموما قابلت واحد وقالي ان هذا اللحم مو بلدي هذا صومالي ولا كشميري ولكن يذبحوها في السعودية لجل تشوف الدم يقطر, ودلني على ملحمة تبيع حاشي مبرد يوصلهم يوميا بالطيارة ! هذه اللي مو معقولة ولكن رحت للملحمة وقالي اجي بعد الساعة 1:30 توصل الطيارة وتجي شحنة جديدة لحم حاشي صغير كشميري مبرد...

الان عندي إستفسار عن لحم الحاشي المبرد

لقيت الكيلو بـ27 ريال فرق السعر مغري ولكن لم اجربه حتى الآن واعتقد في ناس جربوه

هل هو نفس قصة التيوس والعجول؟
الرجاء الاجابة فقط من اللي جربوه لأنهم يعرفون الريحة ويفهمون قصدي بالضبط

وإستفسار ثاني للخبراء في اللحوم كيف تعرف تفرق الذبيحة المعلقة بين الحاشي والعجل اذا كان السنام مقصوص هل فعلا رقبة الحاشي اكبر من رقبة العجل وهل فيه دلالات ثانية؟

ننتظر الردود