منتدى استراحات زايد - قصة واقعية لحادث مروري لن أنساه طوال حياتي

السلام عليكم ورحمة الله وبركاته
فليل قبل انام تذكرت حادث استوى من ثلاث سنين تقريبا وانا للحين اذكرة وكتبت قصيدة عنه واتمنى ينال اعجابكم بس للاسف ما ركبت الابيات عدل ولا وزنته لاني كنت منهارة من الصياح وانا اذكرهم....الاول: الله يرحمه ويغمد روحه الجنة والثاني: الله يسعدة في حياته ودنيته....

صدقني لين الحين ماني مصدق
ياصاحبي لي حصل حلم او صدق

كان حادثك بين عيون أصحابك
وكان موتك هو حزن أحبابك

ليش بعد كل هالسنين أذكر أيامك
يوم تسكت عن حقك وتضحك

كنت تعامل كل البشر بطيبتك
حتى كل هم أعشقوا أسمك وطيبتك

ليش اليوم تركتنا هي نعم تركتنا
خليت حبنا فيك ينكسر ويهدمنا

أدري مب بيدك لي أستوى
كنت تترجى أخوك وتترجى

لكن هو يعاند ويزيد السرعه
لين حصل كل شي وبسرعه

أدعي ربي يمحي صورة الحادث
من عيني ويفكني من الأحداث

وآخر وصيتي لناس ماحسبوا حسابهم
للحين ندمانين على ألي أستوابهم

أخوكم مات في حادث والسبب الأهل
تركتوهم يسرعوا في الشوارع كأنهم مخبل

ماسألتوا عنهم ألا يوم سمعتوا بخبر وفاة واحد منهم
وواحد متكسر في العناية يبكي و عَ أخوه مستهم

يسألكم وين حمد وأنتوا جوابكم بس تبكون
يقوللكم لا تقولوا راح ترى الوحدة مازين بدون

والحين ولدكم كبر وصار يغازل
بسبب محد أخوه يسولف ويتغزل

بس أقول الله يعين ولد خالي
كيف عايش ثلاث سنين حالي

كتبت الأبيات شعري لأني أذكرك
نعم أذكرك وأنت دوم مع أخوك

وأذكرك من بعد الحادث وأنت مكسور
يا راشد القلب وكل شي فيك مكسور

وســـــــــــــــــــــــــــــــلامتــــــــــكم