منتدى استراحات زايد - بقيت ترضع ولدها سنتين وهي ميته !!!!

اخواني اعضاء وزوار مكشات السلام عليكم ورحمة الله
اطرح اليوم عليكم قصه قديمه من اغرب القصص اللي ممكن تسمعونها وهي قصة من شدة غرابتها يحتار يصدقها الواحد وكثير منا سمع قصص تفوق خيال العقل ويصعب عليه تصديقها على سبيل المثال قصة السبيعي الله يرحمه اللي بعد اداء صلاة الجنازه لاحقة طير لمدة 300 كم الى المقبره وكتب عن هذه القصه احد كتاب جريدة اليوم مع ذلك ما احد صدقة وعجت المواقع بالتندر عليه في ذلك اليوم وان قصته تصلح لقصص الف ليله وليله الا انه عندما قدم في اليوم التالي شريط فيديو يثبت كلامه ما كان امام الاخرين خيار الا انهم يصدقونه ممكن اذا عقلك يصعب عليه تصديق شيء خارق لكن اذا شفته بعيوتك ماعندك خيار الا تصدق هذا ما نقله الرواه عن فتاة قبل اكثر من 150 سنه حصل لها عسر ولادة وماتت في احدى القرى بعد وفاتها راح اهلها بما فيهم زوجها وقبروها وسافر زوجها يطلب الرزق مافيه شي يجبره يجلس بالقريه لا زوجه ولا ولد ولا تلد وكان قبرها بما ان منطقتهم جبليه وعملية حفر قبر ليس بالامر الهين كانت قبورهم في لحد الجبال داخل الغيران يدخلون الميت فيه ويسدونه بالحجار والطين
وفي يوم من الايام مر بجانب القبر احد افراد القريه فراى ولد صغير يحبي ويظهر راسه من بين فتحات الصفايح اللي تسد الغار واذا قرب من اللحد يختفي داخل الغار وماعاد ينشاف شي داخل الظلام اخبر الرجل اهل القريه وفي البدايه ماحد صدقه ولد داخل قبر مبني ما تتصدق لكن مع تاكيداته لهم زاد فضولهم لمشاهدة الولد المحبوس داخل اللحد وفعلا جو وشافو راس ولد يظهر من بين فتحات اللحد ويوم قربو من اللحد شافهم الولد وهرب اللى مقدمة القبر وصار ما ينشاف داخل الظلام احتارو في امره قالو هذا قبر فلانه زوجة فلان ومايحق لحد يفتحه الى فلان اللي هو زوجها انتظروه اللين يرجع وهو اللي يفتحه بعد فترة رجع الزوج للقريه واخبروه بالقصه وكلهم شغف لمعرفة وش اللي صاير داخل القبر وهل هو ولد ام جني واذا ولد من وين جا راح الزوج ومعه كذا واحد للحد ودخل هو لوحده اول ما فتح اللحد وشال الصفايح والولد يصيح ويروح لامه ويرضع ديسها ( ثديها ) ويتمسك فيه بقوة الزوج انصدم يوم شاف المنظر معقول يكون ابني اللي كان زوجتي حامل فيه واذا كان ابني وشلون مامات وما تعفن وشلون طلع من بطن امه ومن اللي قطع الحبل السري ومن اللي اللهمه يعرف وين مكان الثدي ويروح له لكن الاغرب هو جسد المراه كان نصه عباره عن هيكل عظمي من وجهها اللين رجولها والنصف الثاني مازال طري لم يتغير نادى الرجل زوجته اللي عينها بالجزء السليم من جسدها كانت مفتوحه لكن ما ترمش لكن واضح قدامه انها ميته ونص جسمها هيكل عظمي بالي... احتار الرجل وفي الاخير قرر ياخذ الولد ويوم جا يشيله والولد يتمسك بديس امه بقوه ويصيح حاول يفكه من ديس امه لكن مافيه فايده الولد مصمم على التمسك بامه وفي الاخير شده ابوه بقوه وشاله يوم شاله وهنا اللي شدني بالقصه يوم شاله وفك الولد ديس امه والحليب يتساقط من فمه نزلت دمعه من طرف عين امه على الارض......انتهت القصه. انا شخصيا يوم سمعت القصه واتخيل الام تاثرت سبحان الله كيف اعطاها الله العاطفه مع انها ميته ولسان حالها يقول ما كنت انتظر اليوم اللي تفارقني وانت اللي كنت سلوتي من وحشة القبر وسبحان الله اللي اخرجه من بطنها ثم الهم نصف جسدها انه ما يتعفن واجرى الحليب في ثديها الين كبر
وفي الاخير تقبلو تحياتي حبيت اشارك معكم بالقصه ذي اتمنى من الله انها تعجبكم