|
الجرجس-العقاب-السلاح-الطرد -التسليه الــ السلام عليكم ورحمة الله وبركاته مساء الخير يااخوان كانت عندي رحله للجرجس مدة خمس ايام من 15\4 والحمد الله توفقت بخير لاكن في هرحله لاحظة على الاخوان الصيادين ملاحضات مااعجبتني بالمره وهو اللي جبرني اكتب الموضوع هذا اولا = الطيور الجارحه يرمونه عشان ماتطير عليهم الاجوال كم طير لقيته ميت بسبابهم وكم طير لقيته مكسور وهذا حصل قدامي في هالطلعه ورحت لشخص ونا منقهر عليه ووقفته وسئلته قلت ليه ترمي هلمسكين تبي تاكل هطير ولا وش سالفتك ترميه قالي هذا مزعجني يطير الاجوال علي بالله هذا رد؟؟؟؟؟؟؟؟؟؟؟ بالله هذا عذر؟؟؟؟؟؟؟؟؟؟ المهم فهمته ونا متمالك نفسي ان حرام عليه.... يااخوان لاحديرمي طيور لتسليه ولا لوزن البارود ولا عشانه ازعجك يطير الطيور عليك يااخوان هذا شي حرامممممممممم عليك وهذا طير يترزق اله مثلك.... والثاني اللي هو الطررررد انا سمعت ان كم سياره تطرد جول جرجس مايتعدى ثمان حبات؟؟؟سلامات والله لو انك ماتلقى ولا تقوى ماصار هشي وبعدين الخطوره والمشاكل ماتحسبله؟؟؟ المهم كنت اصيد بمزرع مافيه الا انا مع اخوياي على سياره وحده والجرجس واجد بالمزرعه ويدخلون جيبين يصيدون معنى بس بطريقه خطررره بالمره يجون الجول مسرعين ويطلع من السياره الوحده اثنين كل واحد معه اضن ام ثمان ويله قربع قربع وربي اللي اشوفه خطر عليهم يطلع من السياره تشوفه كله الا رجلينه ومسرعين برض وعره شوي لويوطى شي ماانتبهله السواق وربي اليروحون فيها اللي طالعين يرمون وليته يطيح شين زين مقابل الاطلاق اللي تروح على الفاضي والمشكله الاجوال راكده وتقارب ونا بطلق الواحد من ست الى ثمان اجيه بالخفيف واول ماينتهض رميته يااخوان الطرد للجول اللي مايقارب وعلى حسب الارض اللي انت عليها ولا يطلع اكثر من نص صدرك وبعدين اذا جربت طرد ولا غيره احسب الطلقات على الاطايح وشوف الاحسن ماهو على عمها تلحق الجول وتعطيه خمس طلقات ولا يطيح الا عشر وتحسبك صايد؟؟؟ مقارنه وهو راكد بطلق من ثلاث الى ثمان ومره دخلت مزرعه مغيرب ارضن زينه لطرد والعالم طارده فيها اجوال الجرجس ودور على مهلي وتطير جرجسه وحده من تحت السياره وتوقع قريب مصوبه واسحب الهوائيه المهم دريت الارض مليانه صوبا واصيد من الصوبا فوق الاربعين بالهوائيه مغيرب(ياليت اللي يرمي يدور زين) الثالث مضايقة اهل المزارع اللي يرمي جهت الرشاش ولا همه واللي يرمي جنب الغنم ولا همه واللي يرمي يم الكيبل ولاهمه ولاتبي اهل المزارع يتظايقون؟؟؟ ____ وفي الاخير اقول انتم ماتبون نصيحه يااهل مكشات بس لتذكير وكل صياد ينتبه لسلااااااااح في السياره ترى هو الخطر بعينه نضفوه من الاطلاق اكثر من مره ولا تمزح بسلاح الانسان ينسى والمعذره على الاطاله |
| الساعة الآن 08:06 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir