مشكله في ضغط الزيت مدري من الطرمبه ولا من السيله ولا من عداد الزيت نفسه ..جمس 2005
 

السلام عليكم



اخواني الاعزاء

عندي مشكله بالجمس موديل 2005

طبعا المشكله اول الامر كان عداد الزيت يستهبل مره فوق ومره تحت ومره يرقص يعني على كيفه وانا ماعطيته اي احتمام قلت اكيد ان العداد ماهوب مضبوط خليته لكن المشكله الاكبر اني يوم من الايام لاحظت صوت طقطقه والموتر بارد قلت عادي لان الامريكي طبيعي اول ماتشغله يطقطق لكن اللي ماهوب طبيعي ان الطقطقه تطلع اذا صارت السياره محتميه قلت ممكن عارض ويبي يروح ..:j

المهم مسكت عليه خط وانا بالخط كعادة الانبير يرقص وفجاءه ضرب على اخر شيء قلت ايوووه لا يجيب العيد وانا مسافر وقفت وقعدت اتسمع للمكينه ولا لاحظت عليها اي خلاف قلت الحمد لله ومشيت


اللحين المشكله اني اذا دقيت سويتش على طووول ينقز عداد ضغط الزيت على اخر شيء (قبل ما اشغل )


وعاد انا محتار مدري وش مشكلته بالضبط (عداد الزيت ضارب على الاخير وبعض الاحيان اسمع طقطقه والموتر محتمي ) يعني توي جاي من مشورا يطقطق واذا دعست شوي راحت الطقطقه


وانا ابي رايكم وش اسوي هل اغير (الطرمبه) ولا (السيله) ولا (عداد ضغط الزيت) ولا وش اسوي تكفون




ولا خلا ولا عدم منكم وجزاكم الله خير :)