منتدى استراحات زايد - سالفة:دروازة الناصريه..قوافي

السلام عليكم ورحمة الله وبركاته
ياهلا بمشرفينا الكرام
ويامرحبا باخواني وأخواتي المكشاتيه
وحيا الله زوار خيمتنا الغاليه الافاضل

كانت معلم جميل ولا أعرف هي باقيه للان ام لا كان حول الدروازه اشجار ونجيله وورود وتعتبر متنفس لاهالي الرياض
تعودنا نروح كل عصرية خميس ونسهر نركض ونلعب وكانت مليانه بالعوائل سعوديين ومن الدول العربيه الشقيقه..
بوحده من روحتنا جلسنا حول ناس من جيران مملكتنا الغاليه ومن قعد ابوهم وهو بس يلجلج وقمة الازعاج من ذا الادمي وغث حرمته وعياله جينا ننادي عياله يلعبون معنا طردنا جو عياله بيلعبون حول بساطهم ضربهم المهم بالنهايه عصب وقالهم يالله مدري وشوله جايبهم قعدت الحرمه تحببه واشوى قعد :)
لين جايبين معهم كولا او مدري وش اسمه لونه اصفر نحاسي بيسوون عليه شاهي ..
سبحان الله اول ما حط الكبريت شكل الجاز مسرب يوم قال ..ببوب>>
احترق وجهه واللي حوله مايدرون يضحكون ولا يطفون شنب ابو الشباب ورموشه وحجاجه قبو..
حمق وقال للحرمه يامره قومي قامت عليك القيامه :eek::eek:
ضفت الضعيفه قشهم بسرعه وذا مسوي زعلان ونتش السله من يدها عشان تشيل ولدها وعلى الشارع بيقطع للسياره على الرصيف الثاني وطررررقع ويشيله راعي فلكس واجن جت الاسعاف وشالته و الضعيف يتلوى من الالم ولا عاد ندري وش صار عليهم والحرمه وعيالها جا واحد من اقاربهم واخذهم..
بعدها بفتره رحنا إلا هذا الرجال ويسلم عليه الوالد ويتحمد له بالسلامه لكنه كان قمه بالاخلاق:D:D:D
وخلا عياله يلعبون ولا سمعنا صوته لين انتهت السهره..
تحياتي
اختكم
..قوافي..

http://www.mazarathy.com/upload//upl...313536e29d.bmp