نريد مشورتكم في شراء سيارة صغيرة
 

السلام عليكم
الموضوع يا اخوه اني امتلك فورد اكسبديشن 2004 والحمد لله مافي اي مشكله

ولكن المشكله في المشاوير داخل المدينة
يعني توصيل البنات للمدرسة - تقضية مستلزات البيت
والمشاوير الصغيره الثانيه - اشوف استخدام فورد اكسبديشن والله كثير
فانا مفكر اشتري سيارة صغير مرة اولا ما تكون بسعر عالي وثانيا تكون صغيرة

فانا حاطط في بالي اما Kia Picantco - او Kia Rio
امس كنت في شركة الجبر وكيل كيا وشفت عندهم عروض والله حلوه
بالنسبه للبيكانتو جير اوتوماتيك وسنتر لوك ولجنوط عادي حديد سعر الكاش 35500 ريال

اما التقسيط المنتهي بالتملك:
دفعه اولى 2800 ريال
اقساط 600 ريال لمدة 5 سنين
ودفعة اخيره 7100 ريال
يعني بعد 5 سنين بتطلع عليك ب 45600 ريال

بالنسبه للريو
دفعة اولى 3300 ريال
اقساط 767 ريال لمدة 5 سنين
ودفعة اخيره 9140

بالنسبه للسيراتو سعر الكاش 50700 ريال
او دفعة اولى 3300 ريال
اقساط 850 ريال لمدة 5 سنين
ودفعة اخيره 10140 ريال

وبصراحه متردد ابي اشور عليكم ويش رايكم؟
احتمال اطلع على وكالة هيونداي اشوف ويش العروض اللي عندهم
ولكن ما اتوقع تكون ارخص من كذه
اللي عنده معلومة او نصيحه لا يبخل علينا
مشكور