منتدى استراحات زايد - تكفون ياهل العرف دلوني على اللي يفيدني

السلام عليكم ورحمة الله وبركاته
انا اشتريت gxr بريمي وارد اليحيى 2010 والحمدلله ماشي معي ممتاز بحفظ الله وأجي اصلي هاك اليوم واطلع من المسجد والقاه مصدوم من ورى على حرف وزاوية الصدام الخلفي ومنشق
واروح لوكالة تويوتا بحكم اني اشيك عليه عندهم ودخلته اول الصيانات قالولي مانصلح الخليجي لان عندنا الصدامات والداخلي يختلف اللهم باقي البودي هو اللي يتشابه
ولو نركب لك صدام عبداللطيف جميل شهر وبينفك وبيكلفك شغل وتركيب حوالي 1200ريال

تركته ورحت لاكثر من ورشه لكن مو بالرياض قالوا نخيط الصدام ونلحمه ب 600 ريال
بس اني ترددت خفت مايضبطون البويه لي او تتقشر من الهوى ومع الايام

وش الراي يااخوان والجيب حرام وتوه جديد وحرام يقعد مصدوم