أهل السييرا 2500 2012 ابي مساعدتكم !!!
 

اتشرفت اني انضميت لمنتداكم الجميل ، وذلك بسبب المواضيع اللي يستفيد منها كل واحد

من متابعتي لأغلب مواضيع الجمس والسييرا وبحكم اني كنت ابحث عن سيارة دفع رباعي
قررت اختيار سييرا 2012 واخترت 1500 بحكم اني مو خبير في ال4x4 والا عجبني 2500 ولكن كنت متخوف من ثقل السيارة في داخل المدينة
وتوكلت على الله ودفعت المبلغ للجميح وعند استلامي للسيارة تفاجئت بأن السييرا 2500 غمارتين وكان غلط من المندوب وقال لي مكتوب بالاستمارة نفس رقم الشاص وحظك انه من نصيبك ، نظرتي له للمره الاولى خفت:eek::eek: وقلت لا ما ابيه ابي 1500 حسب اتفاقنا ، واحمد الله انه كان اخوي معي وكان يفهم ب4x4 ونصحني بأنها فرصة لاتتعوض اقنعني صراحة باشياء كثير ،،،، استلمت الموتر ، وعلى طول مسكت خط سفر لأني شريتة من جدة وانا من هل الشمال الموتر مثل الغزال في الخط خفيف مع التجاوزات ، واللهم صلي على محمد مكينتة جبارة ، ،،

عندي ملاحظات ،، وودي مشورتكم
حجم الكفرات 17 وضغط الهواء 70 حسب ماهو مكتوب بالباب ، انا نسمت الكفر الى 40 وولعت لمبة الكفرات بالطبلون وناوي ارجع الوكالة اسئلهم .
السيارة مو مريحة داخل المدينة تطامر واجد مع اقل مطب وسمعت من واحد ان ال2500 ماله مساعد دركسون ونصحني اركب مساعد جبريل اتمنى القى الجواب عندكم.