السلام عليكم ورحمة الله وبركاته ...

كيف الحال يا الربع وش اخباركم

تخبرون رجعت الطيور المهاجره وبعد ما قريت موضوع اخوي عاشق بانلي قلت يا ولد

وش رايك يوم انك فاضي تروح تحوم يم مكان النحم الي خابره يا تيه
وساقتني القدم لحالي المهم مستبشر خير وكان التوقيت ممتاز الجو بارد في الضل والشمس دافيه حزة دفا ومصارحات للنحم المهم مالكم بالطويله

http://hh7.an3m1.com/Sep/an3m1.com_13310214051.jpg

واخطم يم هاك المنقع الي خابره ومقق عويناتي الا ما هنا علم يوم اني جيت احرك الا كمخان (ابو مغرفه) يطل علي بالزاويه وادق الريوس والله ما هو مرمى بعيد شوي لاكن خابره كمخه يحب الاستكشاف (الحلبي) المهم وامحط بطلقه وراه وهو يجيني مروح ويطلع من المنقع ويخليني بيساره
مسووي ضامن ما يدري ان الحلبي 36/1 والبندق براوننق المهبول
المهم اشخطه بالاولى ويدخن والحقه بالثانيه وكما كنت طيران وهاتك يا سعبول من السماء

http://hh7.an3m1.com/Sep/an3m1.com_13310214052.jpg

http://hh7.an3m1.com/Sep/an3m1.com_13310214063.jpg

بعد ما جابه الله تعديت واتمشى الا والله جوز في حالة خلوه بس شكلهم متزوجين لانهم ما طارو يوم شافوني معهم بطاقة عائله المهم مالي مرمى ولا هن حذرات تعديت بوجهي وبعد ما صار بيني وبينهم حبس واطفي الموتر وارجع اختلهم واطلع عليهم بيني وبينهم اقل من عشرين متر وبمرماي بس قلت ابي الديك قاعد يلعب على ها الضعيفه خلني اشخطه واخليها تروح المسيكينه تجيب لنا كم واحد السنه الجايه

http://hh7.an3m1.com/Sep/an3m1.com_13310214064.jpg

http://hh7.an3m1.com/Sep/an3m1.com_13310214065.jpg

تراه صويب بس عندي انثى وفتشته سليم بس كاسر جناحه قلت خله يتفاهم مع العانس الي عندي

المهم ترست بمكان ويوم جاء المغرب ويجينا ديك مطفي النور على صوت النغيقه واشخطه بوحده الا هو من صيد امس

http://hh7.an3m1.com/Sep/an3m1.com_13310215321.jpg

http://hh7.an3m1.com/Sep/an3m1.com_13310215322.jpg

وبعدها يجيني حذاف الصيف والله من الجبن (الشحم) وكذالك نفس الي جاء ربعه جاه

http://hh7.an3m1.com/Sep/an3m1.com_13310215323.jpg

http://hh7.an3m1.com/Sep/an3m1.com_13310215324.jpg

وهذي صوره جماعيه

للمجموعه

http://hh7.an3m1.com/Sep/an3m1.com_13310221911.jpg

وهذي صوره من ها الموسم بس جاري تجميع الصور وان شاء الله لهن موضوع لحالهن

http://hh7.an3m1.com/Sep/an3m1.com_13310221912.jpg