منتدى استراحات زايد - قصيده بالطير أعجبتني وحبيت انزلها لكم -------------- ماجد الهلالي

السلام عليكم ورحمة الله وبركاته

إخواني جتني رساله على الجوال من احد الزملاء وكانت قصيده بالطير وأعجبتني وحبيت أنكم تقرونها

وين انت يا نايف وسيع البنايد
هيضتني في صورتك وانت جنب عزام

ذكرتني راع الفعول الفرايد
زود على فعله غداً حبه هيام

اشقر قصير الساق صافي وصايد
جبر الثنادي بارزه منه قدام

هجر وراسه ابيض منه نايد
ان قلت من فارس او انه من الشام

سواد عينه وسط راسه يشايد
دقات شام في نحر ترف الأقدام

طلعه بعيد وكل طلعه وكايد
وزود على طلعه سبوق وجزام

في كل جو له مهدً ومصايد
وليا انطلق لو كان في الحر ما حام

ماعد في جول الحباري شرايد
أقسى من الكافر على ورث الأيتام

دم الحباري فوق صدره قلايد
والقاع عقبه كنها ساحه اعدام

افعول طيري وأبو بندرجدايد
فعله جديد ولحقه فعله العام

ياما وياما جاب لي من فوايد
لاكنهم ساموا ولاكنه أنسام

اقفى وخلى عروق قلبي بدايد
من يوم مات وقلب راعيه منضام

زاد النكايد عقب موته نكايد
والحزن عقبه وسط قلبي بنى خيام

لولا المخافه قلت وسط الجرايد
ان العزا في الطير من شرع الاسلام