منتدى استراحات زايد - تكفوووون الفزعه من اصحاب الاكسبلورر 2010 v6

السلام عليكم ورحمة الله وبركاته
السالفه بختصار ياربع قبل شهر او حوله طلع عندي في الشاشه صور المكينه وخفت على موتري
ولمى فحصته كمبيوتر طلع كويل وبواجي طبعا الموتر فيه تعتعه اذا وقفته كنه يتفتف
رحت وركبت بواجي وسافرت عليه
ورجعت ورجعت معي المشكله تفتفه وتقطيع واذا وقفته فيه صوت قرقره
والحين وديته لفحص البريدي في النسيم وقالي اشياء كثيره منها اسلاك بواجي وفلتر قير ومدي وشو بس المصيبه الي فجعني فيها ان المكينه فيها تبخير وقالي انه يتوقع انها بحاجه لتوضيب وبصراحه ياربع قروشني بشكل ماتوقعونه وبغيت اتهاوش انا وياه بس لمى فتح الكبوت شغل السياره وفتح غطا الزيت واذا تعتع الموتر يطلع دخنه سودا من الفتحه وانا خايف الحين ان الموتر يبيله شغل واجد او مكلف بمعنى اصح سواء في ورشه او الوكاله وانا اشوركم ياوجوه الخير تكفووووووووون شورو علي وش السواه انا توني طالع من الفحص والموتر شغال ومافيه شي واتوقع ان التوضيب اذا وقفت المكينه بس الموتر شغال ولا فيه شي

ارجو منكم انكم تفيدوني او حصل مثل هالشي على واحد علما ان الموتر على يدي وكاله وماشي 100 الف

تكفوووووووون المشوره وهل الوكاله غاليه