منتدى استراحات زايد - عندك مرقد للبر وتعاني من الربط والفك وضعف الأحزمة ؟؟ الحلول جابها مسامر القمرا

بسم الله الرحمن الرحيم

السلام عليكم ورحمة الله وبركاته

وبعد

حياكم الله اخواني اعضاء ومشرفي وزوار منتدانا الغالي

مــــكــــــــــــــشـــــــــــــــــــات

هناك اشكاليه بسيطة يمكن قد مرت على بعضكم الا وهي في فراش البر ((السراد او كيس النوم))

واجهتني مشكلة مع الاحزمه وتربيطها وفكها

فالاحزمه رديئه ولا تتحمل الحراره ولا الشمس ووقت ماتجي تمسه الا وهو متشقق ومهترء وفي الاخير تربط فراشك بسيم او حبل ويكون فراشك كبر البعير

الامر الثاني في الفك والربط مع حلقات الحديد اثناء البرد في الصباح يدينك مثلجه وتقعد ساعه عشان تربط او تفك

فكرت في البديل عن هذه الأشياء كلها

ولقيت الحل ولله الحمد

الا وهو

(((حــــــزام الأمــــــــان)))

جمعت الاغراض المطلوبه وبدأت في التنفيذ

هذا الفراش بدون احزمه بعد ماتقطعت

وقربت الاغراض المطلوب العمل بها وهي حزام امان من اقرب سياره تشليح
وألسنة حزام الامان ولاقط الحزام
ومخيط وخيط نايلون قوي ومقص

في البداية قصيت اليد وخيطتها في مكانها المناسب

بعد ذلك نقوم بتركيب وخياطة ماسك اللسان ويكون في اسفل الفراش عشان مايضايقك تحت ظهرك ويطير النوم

ونبدأ بخياطتها بهذا الشكل

وأصابات العمل لابد منها زي كذا شكة ابره

بعد الأنتهاء من خياطتها

بعد ذلك ناخذ مقاسات الاحزمه عشان تركيب اللسان والفراش مطوي بقوه عشان يصغر حجمه شوي اثناء الربط

ونقص مقاس الحزام ونركب اللسان ونبداء بالخياطة

بعد الانتهاء منها

وهاقد انتهى التنفيذ بكل يسر وسهوله والحمد لله واربط وفك فراش نومك بكبسة زر وانت مرتاح

قوة ومتانه واناقة

انتهى تنفيذ الفكرة واتمنى من الله ان تنال على اعجابكم ورضاكم

وعسى الفائدة تعم الجميع

وعطونا آرائكم بالصراحه

أخوكم

مـــســـــــــــامـــــــر الــــقـــــمـــــــرا